Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Хоругдал албан черин көжүрер айтырыгны чугаалашкан

31 января 2024
25

1 дугаар эдип-чазаар колония биле истелге үезинде тудуп-хоругдаар черни өскээр көжүрери эргежок чугула апарганын Владислав Ховалыг Россияның юстиция сайыды Константин Чуйченко-биле ужуражылга үезинде демдеглээн.

Тываның чурттакчы чонунуң чартык кезии чурттап турар республика найысылалының стратегтиг хөгжүлде планы-биле ону кылыры чугула апарганын регионнуң удуртукчузу дыңнаткан. Чоокку үеде сайзырап хөгжүдери көрдүнген чуртталга тудуглары-биле хоругдал черлери шуут-ла кожа турар апаар.

Бөгүннүң планындан алгаш көөрге, 1 дугаар эдип-чазаар колония биле истелге үезинде тудуп-хоругдаар черни кеземче күүселдезиниң федералдыг албанының 1800 олуттуг чаа объектизинче өскээр көжүрүп болур. Ооң дөзевилелин 2028 чылда эгелээр, а тудугну 2030 чылда тудары планнаттынган. Тываның Чазаа ол ажылдарга чер участогун Кызыл кожуунда аңгылаан.

Төлевилел ажылдарын 2025 чылда кылгаш, а тудугну 2027 чылда эгелээр. «Константин Анатольевич Чуйченкога хуусааларны эде көөрүн саналдадым. Ол таладан билиишкин бар болду» – деп, Тываның Баштыңы федералдыг Юстиция яамызынга ужуражылга соонда социал четкилерге бижээн.

Владислав Ховалыг бодунуң бижиинде Тывага күрүнениң юридиктиг бюрозун ажыдарынга деткимчени көргүскени дээш Константин Чуйченкога четтиргенин илереткен. Президентиниң даалгазы-биле 49 регионда, ооң иштинде Тывада база, ындыг албан чери ажыттынган. Тывада Күрюрбюро эрткен чылдың майдан эгелеп ажылдап турар. 3,5 муң ажыг кижи аңаа халас юридиктиг дузаны алган.

Ужуражылга үезинде Тывада Хамааты байдал актыларының бижидилге органнарының база федералдыг суд приставтар албанының ажылы-биле холбаалыг элээн каш айтырыгларны чугаалашкан. Россияның юстиция сайыды ол айтырыгларны таптыг өөренип көөрү-биле, бо чоокку үеде Тывага келир.

А. МОНГУШ
«Шын» №7 2024 чылдың январь 31