Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Хуулгаазыннар уламчылавышаан – бүрүн эргелиг төлээ «Күзелдер Шивизи» деп акция-биле элээн каш уругларның ыдык күзелдерин боттандырган

14 января 2025
9

Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев «Күзелдер Шивизи» деп Бүгү-российжи ачы-буян акциязы-биле элээн каш уругларның күзелдерин боттандырган.

Хакас Республиканың Черногорск хоорайындан он бир харлыг Мария – тергиин өөреникчи, чуруурунга ынак, спортка сонуургалдыг. Уруг бодунуң чыып турары ойнаар-кыстарынга бир-ле онзагай чүүлдү немеп алырын күзээн. Машаның күзели боттанган. Абакан хоорайга баргаш, Л.Р.Кызласов аттыг Хакасияның национал чурт-шинчилел музейинге болгаш өске-даа төөгүлүг черлеринге четкен. Уруг уттундурбас сактыышкыннарлыг арткан.

Тыва Республиканың Таңды кожууннуң Межегей суурундан он чеди харлыг Кежик хаак спортун сонуургаар, ол республика чергелиг маргылдааларның каш дакпыр тиилекчизи. Оол бодунуң арга-дуржулгазын бедидер болгаш эки түңнелдерни көргүзер дээш, хаактаарынга белеткенир дериг-херекселдиг болурун күзээн. Бүрүн эргелиг төлээ Анатолий Серышев оолга ажыктыг белекти дамчыдып, спортчу чаа чылда чедиишкиннерни болгаш чырык тиилелгелерни күзээн.

Декабрьның 20-де Москвага болуп эрткен Күрүне чөвүлелиниң хуралының мурнунда, бүрүн эргелиг төлээ Шивиден күзелдер бижээн шарларны тырткаш, ында уругларның бижээн күзелдерин боттандырган. Донецк Улус Республиканың Шахтёрск хоорайдан сес харлыг Викторияга бүрүн эргелиг төлээден белек кылдыр чадаг-тергени алган. Уругнуң авазы ынак күзелин боттандырганы дээш «тоолчургу» Анатолий Серышевке сеткилиниң ханызындан четтиргенин илереткен.

Томск облазының Северск хоорайдан он ийи харлыг Дарья угаанныг үн улгаттырыкчызын күзеп турарын бижээн. Дарья дыка чугаакыр, танцылаарынга болгаш чуруурунга сонуургалдыг, аян-чорукка ынак. Уруг кызымаккай болгаш туруштуг, театрлап, музей көөрүнге ынак. Белекке алган угаанныг дериг-херексели ооң өөредилгезинге-даа, дыштанырынга-даа ажыктыг болурун ол билир.

Иркутскдан он харлыг Даниилге ёзулуг Чаа чылдың кайгамчыктыг чүүлү болган – ол шанактаан ыттарны мунган болза, а Красноярск хоорайдан он бир харлыг Александра Россияда эң улуг хааглыг суг аттракционнарынга аалдап четкен. Красноярск крайның Лесосибирск хоорайдан алды харлыг Максимниң эң-не улуг күзели база боттанган – оол шериг хыдыкчы самолеттуң кабиназынга олурган болза, а Томск областан сес харлыг Николай поезд башкарыкчызы кылдыр бодун шенээн.

Россияның Президентизи Владимир Путинниң эгелээшкини-биле 2018 чылда «Күзелдер Шивизи» акция эгелээн. Төлевилел Чаа чылдың кайгамчыктыг чүүлүн кылып, дузага хереглелдиг кижилерниң күзелдерин боттандырар күзелдиг буянныг кижилерни каттыштырып турар. Акцияга амыдыралдың берге байдалынга таварышкан, кадыының байдалы кошкак уруглар, өскүс болгаш чединмес өг-бүлелерниң 3 хардан 17 харга чедир ажы-төлү киржип турар. Тускай шериг операциязынга киржип турар болгаш ЛУР, ДУР, Запорожье база Херсон областарның девискээринде чурттап турар шериг албанныгларның өг-бүлелеринден уругларже онза кичээнгей угланган. Алды чыл дургузунда 213 муң ажыг уругларның эң-не улуг күзелдери боттанган.