Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Информация системазын чаартыр

17 июня 2024
5

Тываның Чазаа «Ростелекомнуң» Красноярск крайда салбыры-биле кады ажылдажылга керээзин чарган. Кады ажылдажылга керээзин ёзугаар «Ростелекомнуң» Красноярск крайда салбыры Тываның информация системазын бүрүнү-биле чаартыр ужурлуг. Дугуржулга-керээге Тываның Чазааның Даргазының оралакчызы Олег Лукин биле «Ростелекомнуң» Красноярск крайда салбырының директору Алексей Усатов атты салган.

«Ростелеком» компаниязы бодунуң 430 сая түңнүг акшаны үндүргеш, ажылды кылып чорудар. Ооң соонда ТР-ниң Чазаа 5 чылдың дургузунда 430 сая рубльди эгидер.

ТР-ниң Чазааның Даргазының оралакчызы Олег Лукинниң демдеглээни-биле алырга, эң-не кол чүүл – РФ-тиң Президентизи Владимир Путинниң чонга айыыл чок чорукту тургузар дугайында кол даалгазы күүсеттинери ол. Ук төлевилел республика девискээринге эргежок чугула черни ээлеп турар.

«Бистиң ам тургузар системавыс болза, кандыг-ла-бир онза байдалдар тургустунуп келирге, республиканың чонунга дыңнадыгны дарый чедириптер аргалыг. Регионнуң чурттакчыларының санын болгаш девискээрниң географтыг байдалын өөренип көргеш, каш хоорай, суурга, чеже херексел салырын тодараткаш, чагырга черлеринге тургузар. Санап-түңнеп үндүрген аайы-биле Тывага 127 тускай дериг-херекселди салыр-дыр бис» – деп, «Россети» ААН-ның директору Алексей Усатов чугаалады.

«Янзы-бүрү онза байдалдар удаа-дараа болуп турар үеде чурттап турар бис. Онза байдалдар яамызы болгаш хамааты камгалал талазы-биле берге байдалдар тургустунуп келзе, бүгү чонга төпчүткен хары угда дыңнадыгны кылып болур. Баштай сирена алгырар, ооң соонда кандыг-ла-бир айыыл келген дээн чижектиг дыңнадыгны чонга чедирер төлевилел-дир ийин. Республиканың девискээринге 77 хоорай, суурларга шуптузунга дыңнадыг кылыр 127 херекселди салыр» – деп, ТР-ниң аварийлиг камгалал албанының даргазы Чиңгис Моңгуш чугаалады.

Бо хүннерде республиканың девискээринде дыңнадыг кылыр 53 дериг-херексел ажылдап турар. Тываны бүрүнү-биле ук херексел-биле хандырар дээр болза, ниитизи-биле 246 дериг-херексел херек. Бөгүнгү хемчегниң ачызында информация системазының талазы-биле ажыл 81 хуу күүсеттинер дээрзин Чиңгис Моңгуш немеди.

Олча ОНДАР.

Чингис СААЯНЫҢ тырттырган чуруу.


“Шын” №44 2024 чылдың июнь 15