«Мээӊ-биле кады күзелдерни бодап ал» деп төлевилелдиӊ Күзелдер шивизи деп бүгү-росийжи акцияны 6 чыл дургузунда эрттирип келген. Амыдыралдыӊ берге байдалынга таваржы берген бичии уругларныӊ күзелдерин Чаа чылдыӊ чырык байырлалыныӊ бүдүүзүнде бүдүрер.
Акцияга дараазында категорияларга хамааржыр улус киржир:
Кадыыныӊ байдалы кызыгаарлыг 3–17 харлыг уруглар;
3–17 харлыг инвалид уруглар;
Амы-тынынга айыылдыг аарыгныӊ уржуундан кадыыныӊ байдалы берге 3–17 харлыг уруглар;
Өскүс болгаш ада-иезиниӊ хайгааралы чок арткан 3–17 харлыг уруглар;
Тускай шериг операциязында киржип турар шериглерниӊ база мобилизацияже келдирген хамаатыларныӊ 3–17 харлыг уруглары.
Акцияга кымнар киржип болурул?
Россия Федерациязыныӊ хамаатылары;
Россия Федерациязынга чурттаарын чөпшээрээн документилиг даштыкы улус.
Акцияга киржир дизе, акцияныӊ сайтызынга https:// елкажеланий.рф чагыг киирери чугула.
Ачы-буян чедирер күзелдиг улус, ылап дуза хереглеп турар кижини тып алыр, уругларныӊ күзелин бүдүрүп, оларга белек бээр.
Күзелинге чүнү бодап ап болурул?
Материалдыг күзелдер:
- Идик-хеп болгаш каас-шиник хеп-сын;
- Ойнаарактар;
- Спорт херекселдери болгаш спортчу идик-хеп;
- Хөгжүм херекселдери;
- Сонуургалыныӊ аайы-биле херектиг барааннар;
- Уругларныӊ өзүп сайзыраарынга херек материалдар болгаш номнар.
Материалдыг эвес күзелдер:
- Аян-чорук баар күзели: «Москвага барыксаар мен»;
- Ужуражыр күзели: «Сураглыг футболист-биле ужуражыксаар мен»;
- Сорулгалыг күзели: «Цирктиӊ көжеге артында амыдыралын көрүксээр мен»;
- Ажыл кылыр күзели: «Поездиниӊ машинизи болуксаар мен».
«Шын» №89 2023 чылдың ноябрь 22
