Кызыл кожууннуң төвү Каа-Хем суурнуң 1 дугаар школазындан 22 өөреникчи чалыы армейжилер одуруунче кирген. Ук болуушкун байырлыг байдалга болуп эрткен. Чалыы армейжилер өскелерден ылгалып турар демдектерлиг болганындан аңгыда, бичии болгаш элээди уругларның бүгү-российжи эң-не улуг хемчээлдиг шимчээшкининиң бүрүн эргелиг төлээлери апарганнар.
“Кайгамчыктыг болуушкун дээш, силерге байырны чедирип, алдар-хүндү болгаш чоргаарал-биле “чалыы армейжи” деп бедик атты тударыңарны, өөредилгеңерге болгаш спортчу чедиишкиннерни, хөй-ниити ажылдарынга идепкейжи болуруңарны күзедим” – деп, регионалдыг штабтың даргазы Айдың Шивидек чугаалаан.
Регионалдыг килдисте 6 муң ажыг чалыы армейжилер кирип турар. Чалыы армейжилерниң акы-дуңмалышкы бөлүү хүнден хүнче өзүп-көвүдээр болзун деп Айдың Шивидек йөрээген.
![](https://sun9-57.userapi.com/impg/-V1WzmQBKEAvxBDRkXVP9OTD7JRqq38YaMf5qQ/TPqEGY26ZVE.jpg?size=453x604&quality=95&sign=2ed0efe3670c91d2d2957bdf2511e645&c_uniq_tag=aFWX4RTZouylM2rdHG9U6erA5mJm-x2w7hAtTG3IYlY&type=album)
![](https://shyn.ru/media/cache/2023/06/06/tpqegy26zve-1-c2c94679c5.jpg)
![](https://shyn.ru/media/cache/2023/06/06/ukoirsjrkzg-ddf07de9db.jpg)
![](https://shyn.ru/media/cache/2023/06/06/ulg4ommq9zm-eb6c7d9efd.jpg)
![](https://shyn.ru/media/cache/2023/06/06/rneck-v29sq-442136a459.jpg)
![](https://shyn.ru/media/cache/2023/06/06/s9e9eqok69w-1-368f8a05d8.jpg)