Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

КАЙГАМЧЫКТЫГ ДЕЛЕГЕЙ

21 марта 2023
23

Деӊзи базар черин тып алыр

Йемен чурттуг Мохаммед деп аныяк оол дөрт дагаа чуургазын кыр-кырындан чыскаалдыр тургузупкаш, рекорд тургускан. Ону өске кижилер өттүнүп чадап каан.
Деӊзигүүрүн тудуп билири уран чүүл-дүр. Ол физика, техника деп эртемнер-биле харылзаалыг. Далашпайн, кичээнгейлиг, оожум кылып эгелээр болза, ынчаар өөренип ап болур. Дагаа чуургазыныӊ хевирин көрүп тургаш, ооӊ аар деӊзилиг черин тып билир кылдыр өөренип алыры берге дээрзин ол тайылбырлаан.

Чурукчунуӊ узун чажы

Кот-д’Ивуар деп чурт Африканыӊ барыын чүгүнде чыдар. Ол черниӊ 25 харлыг чурттакчызы Летиция Ки өрүп алган узун чажын ажыр 30 секунда иштинде 60 катап шурааш, делегей рекордун тургускан. Аныяк чурукчу кыс бодунуӊ узун чажындан янзы-бүрү чурумалдыг овур-хевирлерни өрүп кылгаш, чуруктарга тырттырып, бараалгадып көргүзүп турар.

Робот-биле теннис ойнаан

Кыдат улусту делегейде эӊ-не кызымак, ажылгыр-кежээ чон деп санап турар. Оон аӊгыда, пинг-понг, тодаргайлаарга, стол теннизинге кыдат спортчулар шыырак ойнаар болган. Чижээ, Юнь Фен деп кижи робот-биле теннистеп турган. Роботту 6241 сан-биле удуп алгаш, делегей рекордун тургускан.

Узун кулактыг амытан

Американыӊ Портленд деп хоорайында эӊ-не узун кулактыг Лу деп шолалыг ыт бар. Ооӊ бир кулааныӊ узуну 34 см болган. Делегейниӊ эӊ-не узун кулактыг азырал амытанын Гиннесс номунче киирген.

МӨГЕ ИЙИ АҢГЫ ОЛИМПИАДАГА КИРЖИР

Сион Кларк деп американ спортчу 2024 чылдыӊ чайгы Олимпиадазынга хүреш маргылдаазынга, а Паралимпиадага коляскалыг чарышка киржир сорулгазын бүгү делегейге чарлаан.

Ол кижи оорга сөөгү чедир өзүп сайзыравайн, ховар аарыглыг төрүттүнген. Ынчангаш ооӊ буду шуут чок. «Ооргамныӊ сөөгүн дорт кылдыр эдер дээш, ийи катап кезиишкин кылган. Ооӊ соонда анаа олуруп турар апарган мен. Школага өөренип турумда, мени кыжырып шоодуп турган эш-өөрүмге ам «Четтирдим» дээр мен. Оларныӊ ачызында быжыг туруштуг, чүткүлдүг, кызымаккай кижи апарган мен» – деп, Сион Кларк чугаалаан. Ол хүреш секциязынга кирип алгаш, маргылдааларга доктаамал киржип турган. Бодунуӊ чурттап турары Огайо штаттыӊ шилиндек мөгези апарган. Эрткен чылын холу-биле 4,78 секунда иштинде 20 метр херии черни маӊнап эрткеш, рекордун тургускаш, делегейниӊ тергиин кашпагай кижизи болган. Ооӊ адын Гиннесс номунче киирген.



/ Р. ДЕМЧИК белеткээн.

false
false
false
false
false