Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Камбы-лама эргелелинге дамчыткан

19 апреля 2023
22

Апрель 17-ниң хүнүнде Тываның сарыг шажынынга төөгүлүг болуушкун болган. Тываның Баштыңы Владислав Ховалыг Камбы-лама эргелелиниң өнчүзүнче Түптең Чойхорлиң, Үстүү-Хүрээ, Цеченлинг хүрээлерин дамчытканын медеглээн:

“Эрткен чүс чылдың тозан чылдарындан бээр Тывага сарыг шажынны катап диргизип, ооң чырыткылыг көзүн чүшкүрген хүрээлеривис – Улуг-Хемниң ол чарыында, Каа-Хем биле Бии-Хемниң каттышкан белдиринде Түптең Чойхорлиң хүрээ-дуганны, Чөөн-Хемчикте сурагжаан Үстүү-Хүрээни, найысылалдың төвүнде Цеченлинг хүрээни республиканың Камбы-лама эргелелиниң өнчүзүнче дамчыдар дугайында документилерге атты салгаш, лама башкыларга хүлээттим.

Лама башкыларывыс ук хүрээлерниң сайзырал-хөгжүлдезинче кичээнгейни салып, ону чаагайжыдып, аян-шинчизин улам каастаар боор деп идегелимни чугаалап дамчыттым. Ол ышкаш чүдүкчүлеривиске шажынның шын өөредиин дамчыдып, аас-кежиктиг, эки амыдырал деп чүүлдү чонувуска угаадып, өөредиглиг чүдүлге-сүзүктү чорударын улуг башкылардан диледим”.

Тываның Камбы-ламазы Гелек Нацык-Доржу Камбы-лама эргелелиниң мурнундан өөрүп четтиргенин илереткен: “Хүрээлерниң документилери Камбы-лама эргелелиниң эргезинге турарын хөй чылдар дургузунда манап келген бис. Сарыг шажынны деткип турарыңар дээш четтирдивис. Удавас бистиң шажынның кижилеринге өөредилге төвү болур чаа “Тубтен Шедруб Линг” хүрээзиниң үрде манаан ажыдыышкыны болур. Ону база деткиир бис”.

“Цеченлинг хүрээзин база биске бергени аажок улуг өөрүшкү. Шажынның сайзыралынга кончуг балалбас истерни арттырып чоруур бис. Ынчангаш чазаавыс, шажынывыс, чонувус үжелээ черле кезээде демниг чоруур болзувусса-ла, шажынывыс-даа, чуртувус-даа кончуг сайзыраар” – деп, Санчай башкы чугаалаан.

Камбы-лама эргелели Тывага 1997 чылда тургустунган. Федералдыг хоойлу ёзугаар хүрээниң өнчү-хөреңгизинге, ооң ажыл-чорудулгазын хандырарынга болгаш төөгүнүң болгаш культураның тураскаалдарынга хамаарышкан оран-сава, черлер, бүдүрүлге, ачы-буян, социал, культура-чырыдыышкынныг болгаш өске-даа хереглелдиң объектилери туруп болур.

/ Чыжыргана СААЯ белеткээн.

"Шын" №28 2023 чылдың апрель 19

false
false
false
false
false