ТР-ниң Баштыңы Владислав Ховалыгның медеглээни-биле алырга, тускай шериг операциязынга долу эвес мөөңнээшкинге таварышкаш, бо хүннерде Донбасста турар чаңгыс чер чурттугларывысты 55-ки мотоадыгжы бригадазынче шилчидер дээш көдүрген айтырыгны РФ-тиң Камгалал яамызы деткээн.
«Тывадан долу эвес мөөңнээшкинге таварышкан хамаатыларывыстың чамдыызы хүлээлгезин 55-ки мотоадыгжы бригадазында 2022 чылдың октябрь төнчүзүнден эгелээш эртип турар дээрзин шупту билир бис. Удавас гвардейжи деп хүндүлүг ат-биле ададыр 55-ки мотоадыгжы бригадазының шериглери долу эвес мөөңнээшкинге таварышкан чаңгыс чер чурттугларының дайынчы тура-соруун көдүрер дээрзинге бүзүрээр мен.
Тургустунуп келген байдалга хамаарыштыр өске кезекче шилчиири кончуг дүрген болу бербес ажыл-херек-тир, ынчалза-даа ук айтырыгны дарый шиитпирлептер дээрзинге идегээр-дир мен» - деп, Владислав Ховалыг чугаалаан.
Бистиң корр.
Камгалал яамызы деткээн
8 февраля 2023
31