Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

КАНЧААРЫҢ ОЛ, АВА БОЙДУС?

13 ноября 2022
4

КАНЧААРЫҢ ОЛ, АВА БОЙДУС?
Чайны өттүр чаъзың чүге
харамнандың, ава бойдус?
Каңдаашкынга түрүп чыгап,
«шаажылап» канчаарың ол?
Хову, шөлдер, хемнер, суглар
суксаанындан «хөлүйгүлеп»,
Ковуузуннуг шуурган, хатка
«базындырып» чайладылар.

Тоорук, кат тайга-сында
эгээртинмес байлак болду,
Тараа-быдаа, сиген-ширбиил, мөөгү,
кулча хоомай-ла-дыр.
Далдаравас, ажыл-ишчи,
эрес-кежээ сигенчилер
Дыка изиг хүнге кагжаан сигеннерни
хөпээннеп тур.

Алдын-сарыг «даңгынавыс» күскү
бойдус хайыразы
Арбай, тараа савазында шаа-биле
дола берди.
Бөмбүрзектиң «баштыңчызы»
чемгерикчи, ава бойдус!
Төлүң чонга чаагай дүжүт хөйнү
сөңнеп, деткип-ле көр!
/ Раиса ХОВАЛЫГ.
Сүт-Хөл.

САКТЫП ЧОР МЕН
Чаш-ла шаамда ойнап өскен
ынак чуртум
Ыраажы-Хем караамайга
чуруттунуп,
Талыгырда өске черге
чорзумза-даа,
Сагыжымга бо-ла кирип
келгилээр-дир.

Чараш чечээн сүзүп ойнап,
чодураалап,
Кады өскен өөрлеримни
сактып чор мен.
Чалыы үем катап эглип
келген болза,
Катап дужуп, хөөрежип
чугаалашса.

Чуртталгамның өйлүг өйү
адакталып,
Кызыл-хүнней бергенин-даа
бодап чор мен.
Чараш чуртум магаданчыг
онза каазы
Сагыжымга чуруттунуп
артып калыр.
/ Раиса МОНГУШ,
Кызыл хоорай.

АВАМГА
Ава – ол мээң чоргааралым,
Ава – ол мээң ыдыым.
Алдын хүнүм, оңмас чечээм,
Адап ханмас ынак сөзүм.

Уйгум келбээн узун дүне
Уруу мени өпейлей бээр.
Авам ыры чуртталгамга
Аялга бооп кады чоруур.

Аваларны алгап-йөрээн
Аян ырлар көвей-даа бол,
Чүрээм дамчып төрүттүнген
Шүлүүм сеңээ сөңнеп чор мен.

ЧАРАШ АЯН
Ажыл соонда
Ачам-биле
Алаак кирип,
Агаарлаар бис.

Ачам мени
Чедип алгаш,
Чечектерлиг
Алаакка кээр.

Ында-мында
Ырлашкан
Айлаң куштар –
Аянныын!
Алаак черге
Агаар тынып,
Сеткил хандыр
Селгүүстээр бис.

ТӨРЭЭН ЧЕРИМ
Ада-ием турлаг кыштаа
Эзим-Соруг, Шиви-Кыдыы,
Алдыы, Үстүү Кара-Үзүктерни
Эргий кезип бо-ла кээр мен.

Эрги өдек дөңде соргаа
Эрткен үем сагындырып,
Кайгамчыктыг сактыышкынны
Карактарга чуруй каапты.

Аңнаар дээштиң ачам күжүр
Аъттанып турган-даа ышкаш...
Авам хөөкүй хөлегеде
Алгы эттеп органзыг-даа...

Селбер дыттар хээлей үнген
Сериин чайлаг Ак-Даш-Аксы
Төрүттүнген черим болгаш,
Төлү меңээ чүден эргим.

База катап эргип кээр мен,
Байырлыг че, ынак чуртум.
/ Хүрең ДОНГАК.
Аянгаты.