Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Карак чажын чодуп тура байырлаар бис

29 февраля 2024
16

РОСГВАРДЕЙЖИ ЭЖИВИСТИҢ ЧЫРЫК АДЫНГА

Бии-Хем кожууннуң Аржаан сумузу тускай шериг операциязынга чок болган чаңгыс чер чурттуунуң чырык адынга тураскааткан хемчегни эрттирген. ОМОН ажылдакчызы Ахмет Маадыга тураскааткан хол бөмбүүнге маргылдаа ийи дугаар чыл республика чергелиг эртип турар.

Кедип чораан хеви, орден-хавыяазы, школачы чораан чуруктары – Ахмет Маады Аржаан сумузунуң школазында амгы үениң маадыры. Адыг аттыг Росгвардияның Тывада ОМОН отрядының ажылдакчылары чок болган эжиниң төрээн черинге 2 дугаар чыл кээп, өөреникчилер-биле ужуражып турар. Солун кичээлдер үезинде сонуургакпайларның айтырыглары кызыгаар чок. Частыр бүдүмелдер дилеп тывар ОМОН-нуң Рекси деп ыдын школачылар онза сонуургааннар. Келген аалчылар тускай даалга күүседир отрядтарның оюн-көргүзүүн база бараалгаткан.

Маадырның партазындан аңгыда, школаның коллективи мемориалдыг самбыраны база белеткээн. Суму чагыргазы болгаш Дээди Хуралдың депутаттары үлүг-хуузун киирип, росгвардейжи оглунуң адын мөңгежиткен. «Келир үениң салгалдары, акыңарны утпайн чоруңар, сактып чоруңар – бистиң чаңгыс чер чурттуувус прапорщик Маады тайбың үе дээш тулчуп чораан. Ооң маадырлыг чоруунга төлептиг болуулуңар!» — деп, Тыва Республиканың Дээди Хуралының Даргазы Каң-оол Даваа демдеглээн.
Байдал байырлыг-даа бол, чыылган чон халып баткан карак чажын бүдүү чодуп, ада-чуртун камгалап чорааш, хары черге бажын салган дайынчы оолдуң кара дашта сиилбип кылган овур-хевиринге четтиргенин илередип, чечектерни сөңнээн. Өскүс арткан ажы-төлү, чөленгиижи чораан өөнүң ишти Артышмаа Маады оларның чоок кижизин улус утпайн сактып чоруурунга чоргаарланып турар.

Чалданыш чок дидим, сергек тыва ОМОН-нуң тергиин ажылдакчызы Ахмет Маады чүгле үлегерлиг дайынчы болгаш ада болурундан аңгыда, ол тулган спортчу чораанын кижи бүрүзү демдеглээн. Аржаан школазының төлептиг доозукчузунга тураскааткан хол бөмбүүнге маргылдаага республиканың хоочуннары идепкейлиг киришкен. Он ийи команданың изиг-изиг ужуражылгазының түңнелинде, Эрзинниң хоочун спортчулары шылгарап үнген.

Виктория ТАС-ООЛ.

Авторнуң тырттырган чуруктары.


“Шын” №15 2024 чылдың февраль 28