Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Каткы бажы каткан эвес

8 октября 2023
33

Башкы класска кирип келгеш, өөреникчилери канчаар хүлээп алыр эвес дээш:

– Бодун мелегей мен деп санап турар кижи туруп келзин – деп-тир.
Класс шыпшың-на барган. Адак соонда Вова туруп келген.
Башкы ону көргеш, Вованың дидимин кайгай берген.
– А сен чүге туруп келдиң, Вова, эки өөреникчилер санында болгай сен.
– Эпчок ышкажыл, башкы. Чүгле силер туруп алган турарыңарга. Мен силерни деткип туруп келдим – диген.
***
Кичээл үезинде өөреникчилерниң телефонче чардыгарын башкызы бо-ла эскерер. Бир хүн ону соксадыр дээш, чугаалаан:
– Кымның смс бижип, номчуп турарын кончуг эки билир мен. Ада-ие хуралынга бо айтырыгны шыңгыы чугаалажыр бис.
– Ону канчап билип кааптар-дыр силер, башкы? – деп, Петя шын-на сеткили-биле сонуургап айтырган.
– Ында кижи билбестээр чүү боор, делегейде буттар аразынче көрүп алгаш, анаа-ла каттырып олурар чаңгыс-даа кижи чок диин – деп, башкы харыылаан.
***
Кичээл үезинде тенектенир боорга, Иванга сагындырыг бээринден башкызы шылай бергеш, чугаалаан:
– Оода үш хонук сээң аваң орнунга турган болзумза, сени кончуг дүрген кижизидиптер ийик мен!
– Эки-дир, башкы. Ам чангаш, ачам-биле чугаалажып көрейн. Ол чөпшээрежиптер чадавас – деп, Иван харыылаан.

«Шын» №76 2023 чылдың октябрь 7