– Авай, чүге бо конфетаны «Яблоко» деп адап кааныл?
– Ол конфетада яблоктуң бичии кезээн немеп каан диин, оглум.
– А «Кис-кис» иристе чүнү немеп каан?
* * *
– Арның канчап барды, Мерген?
– Арнымга ары хонупкан.
– Оон, ызырыпты бе?
– Чок, ачам арыны хүүрек-биле өлүр сопту.
* * *
Эрткен частырыын катаптавас дээш, кырган-ачай биле кырган-авай колобок орнунга кубик быжырып алганнар.
* * *
– Болат, математикада кандыг өөренип тур сен?
– Ажырбас, ачай. Дүүн беш кадар дөрт казыыр чеди алдым.
* * *
– Авай, помидор ногаа бе азы чимис бе?
– Ол кат-тыр, оглум.
– Ынчаарга кетчупту варенье дээриң ол бе, авай?
"Шын" №60, 2023 чылдың август 12