Чоокта чаа Кызыл хоорайның Караа көрбестер ниитилелиниң 65 чылынга тураскааткан байырлал болган. Байырлалга хоорайның мэриязындан төлээлер болгаш Төлээлекчилер хуралының депутады, эмчи Росси Күжүгет, социал политика департаментизиниң даргазының оралакчызы А.В. Янцо киришкеннер. Олар ниитилелдиң кежигүннеринге байыр чедирген чылыг-чымчак сөстерни чугаалааш, материалдыг дузаны көргүскеннер.
Караа көрбестер ниитилели эптиг-демниг, найыралдыг, идепкейжи коллектив. Ооң кежигүннери, чеже-даа хар-назыны улгады берген болза, «көрбээн чүвези чок, көдурбээн хөнээ чок» кайгамчыктыг хоочуннар.
Коллективтиң удуртукчу даргалары А.Б. Хертек, Г.Б. Монгуш ажылынга бердинген, кежигүннери-биле сырый харылзаалыг, хүндүткелдиг удуртукчулар.
Ниитилелдиң кежигүннери Россияның янзы-бүрү хоорайларында өөредилге черлеринге мергежилдерни өөренип чедип ап турар.
Республиканың «Деткимче» төвүнүң ажылдакчылары ниитилелдиң кежигүннеринге дыштанырынга болгаш өске-даа хемчеглерге дузаны берип турар.
Ниитилелдиң бот-тывынгыр артистери хоочуннар бажыңынга, «Серебрянка» санаторий-профилакторийге, хоочуннар болгаш инвалидтерниң бажың-интернаттарынга солун концерттерин бараалгадып турарлар.
Ниитилелдиң кежигүннери Россия чергелиг янзы-бүрү мөөрейлерге, фестивальдарга, спортчу маргылдааларга идепкейлиг киржип, шаңналдыг черлерни доктаамал ап келгеннер. Ол бүгү хемчеглерге ниитилелдиң уран чүүлүнүң идепкейлиг киржикчилери Алдын-кыс Монгуш, Олег Бегзи, Клара Санчат, Зинаида Монгуш, Омак Сайын, Тэмир Монгуш, Галина Мунзук, Жанна Тюлюш болгаш оон-даа өскелер.
Ниитилелдиң кежигүннеринге амыдырал-чуртталгазынга кадыкшылды, чедиишкиннерни күзедивис.
Бичен ДОНДУП.
Ээрбек суур.
Келир үеже бүзүрелдиг көрүш
14 июля 2023
15