Бии-Хем кожууннуң төп эмнелгезиниң коллективи улуг эмчи Адыгжы Кууларның удуртулгазы-биле эмнелгениң девискээрин ногаажыдар сорулгалыг 30 хадыны олурткан. Ол ышкаш эмнелге девискээринге чаагайжыдылга ажылдарын база чоруткан.
“Ыяшты чүгле олуртуп каары-биле кызыгаарланмайн, чоорту олар эмнелгениң девискээрин каастап, кижилерге өөрүшкүнү, кадыкшылды сөңнеп турар болзун дээш, тарып алган ыяштарывысты, үнүштеривисти хүн бүрүде ажаап-карактап, өстүрер ужурлуг бис” – деп, Бии-Хем кожууннуң улуг эмчизи Адыгжы Куулар чугаалаан.
