Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Кожууннардан медээлер

24 декабря 2022
8

«Шынның» идепкейлиг бижикчизи

Сүт-Хөл кожууннуң хоочун чурттакчызы, чогаалчы, «Шын» солуннуң идепкейлиг бижикчизи Сандүү Түлүшке (Сандю Тюлюш) «Тываның чогаалчылар эвилелиниң кежигүнү» деп шынзылганы байырлыг байдалга тывыскан.

Ооң бижээн «Хөлдүң көк бугазы» (2010), «Мегечи сарыг өртемчей» (2006), «Чараш болгаш өртээ улуг» (2010), «Чүъктү чүдүрери» (2013), «Төрел чонум» (2020) деп номнары номчукчуларның сонуургалын чаалап алган. Сандүү Самбыңович республика солуннарынга төрээн кожуунунуң, сумузунуң ажыл-амыдыралын удаа-дараа чырыдып чоруур хоочун бижикчи.

Чаа квартиралар дүлгүүрлери

Чаа чыл бүдүүзүнде Хову-Аксының чурттакчылары база чаа квартиралар алыр аас-кежиктиг болган. Кожууннуң чагырга даргазы А.В. Араптан чаңгыс чер чурттугларынга Чаа чылда чедиишкиннерни күзеп, байыр чедиргеш, квартиралар дүлгүүрлерин тывыскан.

Чаа чылдың шивизи

«Хоорай хүрээлеңинге таарымчалыг байдалды тургузары» регионалдыг төлевилелди боттандырары-биле Туран хоорайның Ленин шөлүн брусчатка-биле шыпкаш, Хүндүлел самбыразын чаарткаш, дыштанылга зоназынга фонарьларны, олурар узун сандайларны тургускан.
Чаа чыл бүдүүзүнде ол шөлге улуг шивини тургускаш, каастаан. Соок-Ирей, Харжыгаш база тоолдар маадырлары аалчыларга хоровод, оюннар, мөөрейлер, ыры-самныг байырлалды сөңнээн.

Бүгү чүүлдү Тиилелгеже!

Мындыг кыйгырыг-биле Туран хоорайның Херээженнер чөвүлели мобилизастаан шериглерге гуманитарлыг деткимчени чыып турар. Туранның 1, 2, 3 дугаарлыг база «Чебурашка» уруглар садтарының, 1 болгаш 2 дугаар ортумак школаларның, Бии-Хем кожууннуң төп эмнелгезиниң херээженнер чөвүлелдери эмнер, идик-хеп, аъш-чем, техника дээш өске-даа эң-не хереглелдиг чүүлдерни чыггаш, республиканың каттышкан штавынче чорудуп турар.

Ол ышкаш Тес-Хем кожууннуң чону база акцияга каттыжып, О-Шынаа сумузунуң чурттакчылары дайынчыларга эттээн кештерни чыып эгелээн. «Кыштаг» төлевилелдиң киржикчилери Александр биле Олеся Кыргыстар 35 баш шээр малды мобилизастаан шериглерниң өг-бүлелеринге дамчыткан.

Кожууннуң сайгарлыкчылары гуманитарлыг ачы-дуза акциязынга үргүлчү идепкейлиг киржип турар. Кожуун эмнелгезиниң ажылдакчылары база аптекалар ээлери эмнер чыылдазынга база идепкейин көргүскен. А волонтерлар мобилизастаан шериглерниң өг-бүлелериниң бажыңнарынга ыяжын чарып, суглап берип дузазын көргүзүп турар.

А. АРАКЧАА белеткээн.

false
false
false
false
false
false
false
false