Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Куда-дой фестивалында тыва кудалар

15 мая 2024
12

Май 12-де ВДНХ-да “Россия” делегей чергелиг делгелге шөлүнге тыва аныяктар Денис Сотпа биле Олча Ооржак шайлалгазын ойнааннар. Ол хүн бүгү чурттан куда-доюн эрттирер 150 ынакшааннарның аразындан Денис биле Олча Москвага эрткен бүгү-российжи бирги шайлалга фестивалын ажытканнар.

Ынакшаан аныяктар кайызы-даа Тываның Чеди-Хөл кожууннуң
культура шугумунда ажылдап чоруур. Өг-бүлениң эр ээзи кожууннуң «Таңды- Уула» Культура бажыңының удуртукчузу, а өөнүң ишти кожууннуң культура эргелелиниң башкарыкчы бухгалтери болуп ажылдап чоруур. Элээн чылдар болу берген өг-бүле ажы-төлдүг.

ВДНХ-ның кол эжииниң арказындан тура, «Россия» делгелгезиниң кол кудумчу сценазынга чедир ынакшааннар чыскаалынга аныяктар киржип, бүдүн чурттуң мурнунга, карактарынче көржүп алгаш, «ийе» дээн ыдык даңгыраан бергеннер. Чыскаалды цыган хөгжүм ансамбли, гармонь ойнакчылары, аниматорлар база цирк артистери үдээн. Национал идик-хептиг душтук оол биле кыс алтарьга чеде бээри – онзагай болуушкуннуң кол ылгавыр чүүлү ол. Ынча хөй аныяктарның куда-доюн эрттирип турары эң солун болгаш чараш болуушкун болганын делгелгени сонуургап келгеннер демдеглээн.

Өг-бүле чылын эгелээн байырлыг езулалда Президент Владимир Путинниң киржилгези-биле кывыскан “Россияның чүрээ” бүгү-российжи өг-бүле одааның одун аныяктарга дамчыткан. Байырлал кезээнде Полина Гагарина биле Ирина Дубцова хөгжүмнүг байырны чедирген.
Дараазында, май 14-те, шайлалга фестивалында бистиң ийи аныяктарывыс— Александр Агбаан биле Солаңгы Тамдын салым-хуузун доңнаштырып, өг-бүлени туткан. Келир үеде өгнүң эр ээзи – хуу хлеб быжырар черни эргелекчилеп турар болза, а душтуу– курлавырлыг хандырылга компаниязында ажылдыг.

Фестиваль май 19-ка чедир неделя ажыг иштинде уламчылаар. Шупту федералдыг округтар Москваже боттарының аныяктарын эккеп таныштырарын делгелгениң чиңгине директорунуң оралакчызы Анастасия Звягина демдеглээн.

«Россия» делгелге шөлүнге аныяктарның шайлалгалары неделя дургузунда уламчылаар. Ол фестиваль үезинде 200 аныяктар боттарының салым-чолун доңнаштырар» — деп, А. Звягина дыңнаткан.

А. МОНГУШ.

Чурукту интернет четкизинден алган.


«Шын» №35 2024 чылдың май 15