Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Кырган-даа бол, аныяк.

1 октября 2022
37

Улуг назы-харлыгларның хүнү октябрь 1-ни бүгү Тываның болгаш найысылал Кызыл хоорайның хоочуннары солун программалыг концерттер, янзы-бүрү оюн-тоглаа, спортчу маргылдаалар-биле демдеглеп эрттирери чаагай чаңчыл апарган.

Улуг назынныглар хүнүн 2022 чылдың сентябрь 30-де Кызылда Совет Тываның 5 чыл аттыг стадионунга спортчу оюннар-биле демдеглеп эгелээр деп шиитпирлээн. Дүүнгү хүннүң агаар-бойдузу хаттыг, соок болурга, маргылдааларны болгаш оюннарны Ленин кудумчузунуң 5 дугаар бажыңда Тываның күрүне университединиң төөгү факультединиң спорт залынга эрттирген.

– Бо маргылдааларга 10 команда киржип келген, спортчу оюннарның тос хевиринге маргылдааларны эрттирип тур бис – деп, Улуг назынныглар хүнүнге тураскааткан спортчу оюннарның организатору, Кызыл хоорайның Хоочуннар чөвүлелиниң даргазы Ольга Кыргысовна Дамдын дыңнатты.

“Хөгжүмчү”, “Челээш”, “Кырган-даа бол, аныяк” ансамбльдер дээш хоочуннарның өске-даа уран чүүл коллективтериниң командалары, республиканың болгаш Кызыл хоорайның хоочуннар чөвүлелдериниң командалары дээш өске-даа командалар спортчу оюннар маргылдаазынга идепкейлиг киришкен. Бөмбүк чууктап чаржыры, чук төгерик чүгүртүп маңнажыры, кыска хемчээлге чадаг чарыш эстафетазы база өске-даа спортчу оюннарга хоочуннар маргыжып турда, оларның эрес-кашпагайы кончуг. Оларның адак-бышкааның чииги, каткы-хөглүү хоочуннар, кырган-даа болза, аныяк деп бадыткап турду. Маргылдаага киришкен аныяксыг кырганнар шупту амыдырал-чуртталгага, ажыл-херектерге шылгараан хоочуннар.

Улуг назынныглар хүнү-биле холбаштыр массалыг информация чепсектериниң “Тывамедиабөлүк” агентилели “Шын” солуннуң халас чагыдылгазын хоочуннарның чамдыызынга кылып берген. “Шын” солуннуң халас чагыдылгазының сертификат шынзылгаларын хоочун башкы, амгы үеде хоочуннарның “Хөгжүмчү” ансамблиниң ыраажызы Дайна Сүрүновна Көгелге, Тываның В. Көк-оол аттыг Национал хөгжүм-шии театрының хоочуну Надежда Торлуковна Оюнга, хоочун чолаачы, бот-тывынгыр уран чүүлдүң киржикчизи, ыраажы Ширим Назынович Кыргыска база улуг назы-харлыг чеди хоочунга тудускан.

Улуг назы-харлыг кижилерге халас чагыдылга акциязын “Тывамедиабөлүк” агентилел моон соңгаар-даа уламчылаар.

/ Шаңгыр-оол Моңгуш.
Авторнуң тырттырган чуруктары.

false
false
false
false