Бир-ле европей клиникага дыка солун эксперимент эрттирген. Эмчилер эки турачы кижилерни шилээш, оларның кежиниң, ханының анализин алгаш, база иштики органнарының бүрүн шинчилгезин кылган.
Киржикчилерниң ёзулуг шын физиологтуг назынын илередип тывар дээш, ол шинчилелди чоруткан. Ооң түңнелдери кайгаткан, эки турачыларның чартыы паспортунда назынынга көңгүс дүүшпес элээн «аныяк» болган. Ол ышкаш шинчилгезиниң түңнелдери өөрүнчүг эвес улус база илерээн. Ол категорияга хамааржыр улустуң хөй кезии сагыш-сеткил дүвүрелинге (стресс) доктаамал алзып чоруур, бодунуң кадыкшылынга тоомча чок, олутпай амыдыралдыг, хоралыг чаңчылдарга ынак, эрттир чемненир база багай чуртталгазынга болгаш назынынга үргүлчү хомудап чоруур болган. Ынчангаш түңнелден кылыңар!
“Шын” №30 2024 чылдың апрель 20