Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Кышкы Спартакиада бедик деңнелге эрткен

29 марта 2024
15

Март 19–21 хүннеринде республикага спорттуң үндезин кышкы хевирлеринге 1 дугаар Спартакиада болуп эрткен. Тайга станциязынга база "Сүбедей" спорт ордузунга бүгү кожууннардан келген спортчулар хаакка, конькиге халыырынга, кидис идиктиг хөккейлээринге, баг адарынга, тевектээринге күжүн шенешкен. Маргылдаалар хөглүг, өөрүнчүг, бедик байдалга болуп эрткен.


Спортчу маргылдаалар хууда болгаш команда аайы-биле эрткен. Түңнелинде, Спартакиаданың тиилекчилери база шаңналче киргеннер илерээн. Кидис идиктиг хөккейге 1 дугаар черни Бай-Тайга, 2 дугаарын Барыын-Хемчик кожуун, 3 дугаарын Кызыл хоорай алган. Херээжен командалар аразынга 1 дугаар черге Барыын-Хемчик кожуун тергиидээн, 2 дугаарында Чеди-Хөл кожуун, 3 дугаарында Кызыл хоорай.

Хаак маргылдаазынга эр улус аразынга 10 км шынарлыг (классиктиг) халыырынга 1 дугаар черге Радион Байыр-оол (Чаа-Хөл), 2 дугаарында Владимир Оюн (Таңды), 3 дугаарында Донен-оол Доржу (Чаа-Хөл) төлептиг болганнар.

Херээжен улус аразынга 5 километрге 1 дугаар черни Агафья Баяндай (Бии-Хем), 2 дугаарында Октябрина Чыртак-Уруг (Таңды), 3 дугаарында Чойганмаа Монгуш (Чөөн-Хемчик) алганнар.

Эр улус аразынга 10 км халыырынга 1 дугаар черге Владимир Оюн (Таңды), ийигизинге Донен-оол Доржу (Чаа-Хөл), үшкүзүнге Алексей Николаичев (Бии-Хем) келген. Херээжен улус аразынга 5 км маңнааш, 1 дугаар черге Чойганмаа Монгуш (Чөөн-Хемчик кожуун), 2 дугаарынга Мария Зотова (Чөөн-Хемчик), 3 дугаар черге Октябрина Чыртак-Уруг (Таңды кожуун) төлептиг болганнар.

Конькиге халыыр маргылдаага 1-ги черни Чимит Кууларга (Чөөн-Хемчик кожуун), 2 дугаарын Дима Самданга (Тожу), 3 дугаарын Айдың Моктээрге (Ак-Довурак хоорай) тывыскан.

Баг адарынга эр улус аразынга бир дугаар черни Чадаң-Кат Ооржак (Барыын-Хемчик кожуун), 2 дугаарын Олег Чанчып (Улуг-Хем кожуун), 3 дугаар черни Айдың Хомушку (Бай-Тайга кожуун) алган. Херээжен улус аразынга бирги черге Мамаа Күжүгет (Сүт-Хөл кожуун), 2 дугаарынга Раиса Тутатчикова (Мөңгүн-Тайга кожуун), 3 дугаар черге Чайыраан Доржукай (Улуг-Хем кожуун) тергиидээн.

Тевек тевер маргылдаага бирги черни Отчугаш Хомушкуга (Барыын-Хемчик кожуун), 2 дугаарын Бады Ондарга (Кызыл кожуун), 3 дугаар черни Айдаш Монгушка (Кызыл кожуун) тывыскан.

Ниити командалар аразынга бирги черни Чаа-Хөл кожууннуң спортчулары алгаш, Спартакиаданың кубогу, медальдары, дипломнары болгаш 300 муң акшаның сертификады-биле шаңнатканнар. 2-ги черни алган Чөөн-Хемчик кожуунга медальдар, дипломнар база 200 муң акшаның сертификадын тывыскан. 3-кү черге төлептиг болган Таңдының командазы медальдар, дипломнар болгаш 100 муң акшаның сертификадын алган.

Алексей ЧАМБАЛ-ОРОЛ.

Чуруктарны интернеттен алган.


“Шын” № 23 2024 чылдың март 27