Россия Федерациязының Сибирь федералдыг окргута Президентиниң бүрүн эргелиг төлээзи Анатолий Серышев Россияның Федералдыг айыыл чок албанының Кызыгаар албанының ажылдакчыларынга болгаш хоочуннарынга профессионал байырлалы – Кызыгааржылар хүнүн таварыштыр байырын чедирген:
"Россияның төөгүзүнде Ада-чурттуң кызыгаар камгалакчыларының маадырлыг чоруктарының чижектери хөй. Силер эң-не берге байдалдарда туруп көрбээн шыдамык, эрес-дидим чорууңарны көргүзүп, дайзынның халдаашкынын бир дугаар дозуп турар силер.
Бөгүн, геополитиктиг турум эвес үеде, Ада-чурттуң эрге-ажыын болгаш айыыл чок чоруун бүзүрелдиг камгалап, ооң мурнунда ажылдап чораан кызыгааржыларның алдарлыг чаңчылдарын уламчылап чоруур силер. Силерниң албан-хүлээлгеңер ылаңгыя тускай шериг операциязының үезинде чугула ужур-уткалыг. Кызыгаарда турар регионнарның айыыл чок чоруун хандырар дээш, кызыгаар албанының ажылдакчылары диверсия бөлүктериниң кирерин, чепсек болгаш айыылдыг материалдарның хоойлуга удур садыглаашкыннарны болдурбайн, өскерлип турар байдалдарны дүргени-биле эскерип ажылдап турарлар.
Даңгырааңарга шынчы болгаш национал эрге-ажыывысты, чуртувусту, чонувусту кандыг-даа үеде камгалаарынга белениңер дээш четтирдивис. Силер шериг кижиниң быжыг корум-чурум, шыдамык чорук, берге байдалдарда демниг ажылдап билири дээн ышкаш эң-не эки шынарлар силерде бар. Өзүп олурар салгалынга үнелеп четпес арга-дуржулгазын дамчыдып чоруур кызыгааржы хоочуннарга өөрүп четтирдивис.
Россияның кызыгааржылары моон-даа соңгаар хүлээлгелерин тергиин эки күүседир дээрзинге бүзүрээр мен. Силерге шуптуңарга кадыкшылды, чаагай чорукту, профессионал чедиишкиннерни, чоок кижилериңерниң деткимчезин, тайбың дээрни, чаа-чаа чедиишкиннерни күзедим.
Байырлал-биле!"
Медээни болгаш чурукту sfo.gov.ru/press/novo... сайтыдан алган.