РФ-тиӊ Чазаа сентябрь 13-тен тура «Иркутск – Кызыл – Иркутск» деп маршрут-биле ужар субсидиялыг авиарейстерни бадылаан.
Ооӊ дугайында Россияныӊ Транспорт яамызы, Тываныӊ орук-транспорт яамызы, «ИрАэро» авиакомпаниязы дугуржуп алган.
РФ-тиӊ Чазааныӊ 1242 дугаарлыг доктаалы-биле чамдык категорияларга хамааржыр кижи бүрүзү авиабилетти чиигелделиг өртек-биле садып алыр. Субсидиялыг рейстер чүгле бо чылдыӊ төнчүзүнге чедир ужар дээрзин Тываныӊ Орук-транспорт яамызы дыӊнадып турар.
Самолет неделя санында вторник болгаш четвергте ужар. Расписаниени авиакомпанияныӊ сайтызындан көөр: https://iraero.ru/
Чаӊгыс талаже билеттиӊ өртээ – 4190 рубль.
«ИрАэро» авиакомпаниязыныӊ «Суперджет-100» деп самолеттары-биле Иркутск, Кызыл аразынга ужар рейстериниӊ билеттерин садып эгелей берген.
Бистиң корр.