Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Кызылдың Бай-Хаак кудумчузунда чаа школа удавас ажыттынар

4 января 2024
13

Бөгүн, январь 4-те, ТР-ниң Чазак Даргазы Владислав Ховалыгның даалгазы-биле Тываның өөредилге сайыды Елена Хардиковага баштаткан комиссия Бай-Хаак кудумчузунда 6/1а деп адресте "Өөредилге" национал төлевилел-биле туттунган 825 олуттуг чаа школаның кандыг байдалда келгенин хынап четкен.

Чаа школаның өске школалардан ылгалдыг чүүлү — аңаа профессионал угланыышкынныг сургуулдарны чыып өөредир. Ооң адын ТР-ниң Кызыл хоорайның бюджеттиг ниити өөредилге албан чери “ПрофЛидер” ортумак билигниң 19 дугаарлыг школазы” деп адаар. Тываның өөредилге сайыды школаны дужаарының белеткелинге хамаарыштыр мынча дээн:

– Ниитизи-биле школаның тудуу доозулган. Бо хүнде ооң иштин эт-сеп, дериг-херекселдер-биле четчелээр, чырык хандырылгазын чорудар, өөренир кабинеттерни эртемнер аайы-биле дериир ажылдар уламчылап турар. Чоокку хүннерде ол кабинеттерниң көрдүнген эртемге дүүштүр дериттингенин бадыткаан документилерни хүлээп алыр ажыл эгелээр. Ол ажылдарны 10 хонук дургузунда доозары көрдүнген. Ооң-биле чергелештир школаның ажыл-чорудулгазының дугайында лицензиязын алыр ажыл чоруттунуп турар.

Бо өөредилге албан чериниң сайтызында кандыг өөредилге программалары-биле ажылдаарын айтып каан. Оон аңгыда организацияның уставынче өскерилгелер кииргениниң дугайында документини үндүрүг органынга бүрүткедир. Кажан школа бүрүнү-биле дериттине бээрге, ынчан Росхереглелхайгааралдың киржилгези-биле өөредилгени чорудуп болур дугайында хүлээп алыышкын эгелээр – деп, Елена Хардикова чугаалаан.

Чаа туттунган школага Кызылдың 3, 5, 9, 17 дугаарлыг школаларындан болгаш “Аныяк” Кызылдың өөредилге төвүнүң сургуулдары өөренир. Оон аңгыда бо школада быжыглаттынган кудумчуларны Кызылдың мэриязының сайтызындан көрүп болур деп ол тайылбырлаан.

“Бир эвес ада-иелер уруг-дарыын ук школаже өөредиксеп турар болза, школаның директорунуң адынга уругну ол школаже шилчидип бээриниң дугайында билдириишкинни бижиир. Ооң соонда дужаал үндүргеш, сургуулдарның ниити даңзызын тургузар. Өскээр чугаалаарга, ажык хүлээп алыышкын болбас.

Амгы үениң негелдези-биле туттунган чаа школада өөреникчилерге билиг чедип алырынга бүгү-ле таарымчалыг байдалдарны тургускан.

Хоорайда немешкен база бир чырык, чылыг, чараш өөредилге албан черин бо чылдың февраль ортан үезинде дужаарын тудугну кылган хүлээникчи компания “Бенконс” КХН-ниң директору Заман Гаджиев дыңнаткан.

К.Монгуш

Чуруктарны А. Тюлюш тырттырган.