Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Лагерьлер манап турар

27 мая 2023
25



Узун, чымыштыг өөредилге чылы дооступ, удавас школачыларның чайгы дыштанылгазы эгелээр. Дыка хөй ада-иени уругларының чайгы үезин ажыктыг, солун кылдыр каяа, канчаар эрттирериниң дугайында айтырыг дүвүредип, чамдыктары лагерьлерни сонуургап турары чугаажок. Чөөн-Хемчик кожууннуң өөредилге эргелелиниң кижизидилге талазы-биле ажылын удуртуп турар специализи Ольга Кыргыс лагерь дугайында дараазында медээни тодаргай берген.

Чөөн-Хемчик кожуунда ниитизи-биле 16 лагерь ажыттынып, уругларны хүлээп алырынга белеткел ажылдарын доозуп турар. Оларның иштинде школалар чанында быжыглаттынган 14, Элдиг-Хемниң девискээринде турар «Шуралгак» деп аттыг стационарлыг база кожууннуң социал төвүнүң «Буянныг» деп хүндүскү лагери бар.

Школаларда быжыглаттынган хүндүскү лагерьлер 2 ээлчегде ажылдаар: бирги ээлчег июнь 3-тен июнь 23-ке чедир, ийиги ээлчег июнь 26-дан июль 16-га чедер хуусаалыг. Чаңгыс уругнуң аңаа баар өртек-үнези — 1670 рубль.

А «Шуралгак» лагери 3 ээлчегде ажылдаар: 1-ги ээлчег июнь 10-дан июль 1-ге чедер, 2-гизи июль 4-тен июль 27-ге, 3-кү ээлчег июль 27-ден август 16-га чедер хуусаалыг. Ээлчег бүрүзүнде 50 уругну хүлээп алыры көрдүнген. Чаңгыс кижиниң путёвказының өртээ 15645 рубль болур, чазактың көрдүнген тускай программазы-биле ооң 50 хуузун ада-иеге дедир эгидип бээр. Бо лагерьже социал байдалы берге өг-бүлелерниң база тускайлаттынган шериг операциязында киржип турар кижилеривистиң уругларын путевканың чартык өртээ-биле хүлээп алыр.

Кожууннуң социал төвүнде тургустунган «Буянныг» лагери ийи ээлчегде ажылдаар. Ооң ажыл-чорудулгазы июнь 1-ден эгелээр. Тодаргайлаарга, бирги ээлчег июнь 1- ден июнь 22-ге чедир, а ийиги ээлчег июнь 23-тен тура ажылын уламчылаар. Бо лагерьниң өскелерден ылгалы – уругларны халас дыштандырары. Чүгле херек ужурлуг документилерни четчелээш, эмчи шинчилгезин эртип алыры чугула.

Үстүнде адаттынган лагерьлерже республиканың өске кожууннарындан уругларны хүлээп ап, дыштандырар аргалыг. Ниитизи-биле Чөөн-Хемчик кожуунда лагерьлерге 1553 уруг дыштанылгазын ажыктыг, солун кылдыр эрттирип алыр аргалыг.

Чаяна ШИЛОВА.

"Шын" №38 2023 чылдың май 27