Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Үлегерлиг фермер — Янчат Биче-оол

27 ноября 2023
13

Ажылчын бүрүзү-биле күш-ажыл керээзин чарып алгаш, оларныӊ шалыӊын, социал камгаладылга дадывырын ак сеткилдии-биле шилчидип берип турар сайгарлыкчыны Кызыл кожууннуӊ Чонну ажылга хаара тудар төвү тодараткан.


Хөйге үлегерлиг сайгарлыкчы, Ээрбек сумузунуӊ арат-фермер ажыл-агыйыныӊ баштыӊы, Янчат Биче-оол болган. Ооӊ бүдүрүлгези сүткүр инек, хой болгаш чылгы малды азырап, тараа культураларын тарып өстүрүп турар. Үш чыл дургузунда ол 80 хире кижини, тодаргайлаарга, кадарчылар болгаш ажылчыннарны, албан ёзузу-биле ажылга хүлээп алган.

РФ-тиӊ Чазааныӊ 362 дугаарлыг доктаалы ёзугаар алырга, юридиктиг черлер болгаш хуу сайгарлыкчылар ажыл чок улусту ажылдадып алган болза, оларга күрүне деткимчезин бээр. Ук программа 30 хар четпээн аныяктарны, ажылындан үндүртүр деп барган улусту, тускай шериг операциязыныӊ киржикчизин азы оларныӊ өг-бүлезиниӊ кежигүнүн ажылдадып алырынга идиг бээр сорулгалыг.

Биче-оол Станиславович күрүне деткимчезин үш чыл дургузунда ажыглап турар. Ол ай санында бодунуӊ ажылдакчыларынга акша-шалыӊны регионда чогуур хемчээли-биле төлеп берип турар. Амгы үеде республикада доктаадып каан шалыӊ хемчээли, үндүрүг тыртпааны-биле алырга, 30 860 рубль. Ажылдакчы бүрүзүнүӊ келир үеде пенсиязын тургузар камгаладылга дадывырын база үргүлчү шилчидип турар.

Ажылдакчылары-биле күш-ажыл керээзин чарып алгаш, шалыӊын төлеп бербишаан, субсидия бээр программаны юридиктиг черлер, хуу сайгарлыкчылардан аӊгыда, коммерциялыг эвес организациялар безин ажыглап болур.

Р. ДЕМЧИК.

Чурукту интернеттен алган.

«Шын» №90 2023 чылдың ноябрь 25