Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Маадырларны сактып...

31 января 2025
1

Январь 20-ден 27-ге чедир Ада-чурттуң Улуг дайынының чылында блокаданы ажып эрткен Ленинград дугайында сактыышкынның акциязы болуп эрткен.

Блокаданың эң-не аар-берге үези – 1941–1942 чылдарның бирги кыжы. Үш ай дургузунда ниитизи-биле 250 муң кижи мөчээн. Блокада үезинде мурнакчы отрядтың дайынчыларынга бир хүнде 500 грамм, изиг цех ажылчыннарынга – 375 грамм, арткан ажылчыннарга болгаш инженерлерге – 250 грамм, албан-хаакчыларга, азыралда кижилерге болгаш уругларга – 125 грамм хлеб онаажыр турган.

Акцияның им-демдээ – Ленинград бүзээлээшкининиң эң-не берге үезинде хүнде үлеп турган хлебтиң эң-не хензиг үлүү – 125 грамм “блокада хлеви”. Ону чурттуң бүгү регионнарынга, ооң иштинде Тывага база албан черлеринге эрттирген. Ажык кичээлдерге өөреникчилер ленинградчыларның болгаш камгалакчыларның эрес-дидим чоруу-биле таныжып, маадыр хоорай Ленинград дугайында документалдыг болгаш уран-чечен киноларны көөр аргалыг болган.

Оларның аразында Кызылдың президентиниң кадет училищезиниң кадеттери неделя дургузунда “Ленинградтың Тиилелгезиниң лентазы” деп акцияга киржип, сактыышкынның лентазын астып, аңаа тураскааткан шугум чыскаалынга киришкен. Ол ышкаш “Ыржымның кышкызы” деп уран-чечен болгаш “Фронтуже трамвай чоруп олур” деп документалдыг фильмнерни көрген.

Акцияның эң күштүг кезээ январь 27-де Ленинградты блокададан хостаан Дайынчы алдарның хүнү болган. Училищеге блокада хлевинге тураскааткан тематиктиг булуңчугаштарны дерип, училищениң тугунуң чанынга хүндүлүг таңныылды тургускан. Кежээ кадеттер блокаданың маадырларын болгаш хоорайның камгалакчыларын сактып, “Сактыышкынның чулазы” деп патриотчу акцияга база киришкен.

Бистиң корр.
Чурукту Кызылдың президентиниң кадет училищезинден алган.
“Шын” №3 2025 чылдың январь 30