Тывада чаа тургустунган мини-футбол лигазы 2 дивизионнуң 20 командазының аразынга республиканың баштайгы чемпионадын деткикчилер дузазы-биле «Сүбедей» спорт өргээзинге тускай чурум ёзугаар эрттир- геннер.
Мини-футбол лигазының кол сорулгазы – мини-футболду Тывага калбаа-биле сайзырадыры, шыырак эр, херээжен командалар регионнар аразында маргылдааларга эки ойнаарын чедип алыры.
Ийи ай дургузунда оюннарның түңнелинде, бирги дивизионнуң 10 командазындан 1-ги черже Барыын-Хемчиктен «Мажалык» команда бүзүрелдии-биле үнген (тренери Ужар-оол Мижит-Доржу), 2-ги черни УФСИН-ниң командазы ээлээн, 3-кү черге ОБЯ-ның командазы төлептиг болган.
Ийиги дивизионнуң 10 командазындан 1-ги черже «Сүбедей» спорт школазының командазы үнген (тренери Байыр Ховалыг), 2-ги черге Кызылдың командазы, 3-кү черге Тыва информация системаларының командазы төлептиг болган.
Шаңналдыг черже кирген командаларны, тергиин ойнакчыны, эки камгалакчыны, тулган вратарьны дипломнар, кубоктар, өртектиг белектер-биле деткикчилер шаңнаан. Маргылдааның кол деткикчизи АЗС “ОПТИ” болган.
Дараазында маргылдааларны чылыг үеде стадионга эрттирер деп шиитпирлээн.
/ Алексей ЧАМБАЛ-ООЛ.
«Мажалык» команда баштайгы чемпион
23 марта 2023
39