Көрей чоннуң морковьту болбаазырадыр рецептизин сонуургадыр-дыр бис. Бо чемни белеткээринге 10 хире минута хостуг үе негеттинер.
Херек чүүлдер:
400 грамм морковь, 5 дишчигеш дег чеснок, чартык шай омаажының ишти дус, бүдүн столовая омаажының ишти чигир, чартык шай омаажының ишти кара хоюг перец, 2 омааш уксус, 30 милиграмм хендир үзү.
Канчаар белеткээри:
Арыдыр чугган морковьту узун чиңге кылдыр хээр бистиг дүрбүүшке дүрбүүр. Чеснокту мыйыргын кылдыр сы тудар тускай херекселге чуура идип-идип, белеткеп алганы дусту, чигирни үжелдирзин морковьче каапкаш, холуштур былгапкаш, перецти немээш уксустаптар. Эң-не сөөлүнде белеткеп алганыңар хендир үзүн сакпың дүвүнге куткаш, изиткеш, холуксаалыг морковуңарны изиг үсче кааптыңар. Изиг үске быжылаан соонда, амданныг чыт үнүп эгелээрге, сакпыңны эскеш, морковуңарны холуңар-биле экидир мажыптыңар. Морковьтуг сакпыңны халывы-биле дуглааш, соодукчуга 3–4 шак иштинде тургузуптуңар.
Көрей рецепт-биле белеткээн морковьту аңгы салат кылдыр-даа, азы бир-ле чемге-даа холааш чип болур.
Чем чирттингир болзун!
"Шын" №70 2023 чылдың сентябрь 16