Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Мындыг эки кижиге душпаан мен

31 августа 2023
0

«Серебрянка» санаторийге дыштанып тургаш чаңгыс өрээлге узун назылыг башкы-биле 15 хонук эмненип, дыштандывыс. Башкының үнези каяа-даа, кажан-даа хүндүлүг боор чорду. Ынчангаш чаш уругнуң караан чырыдып, амыдыралдың делгем оруунче шуудадып каан башкыларывыска мөгейип чоруур бис. Ооң чижээнге Сүт-Хөлдүң Алдан-Маадыр чуртуг башкыны адап болур. Ол аныяк 19 харлыг тургаш, Алдан-Маадыр школазынга комсомолчу путевка-биле пионер вожатыйлап ажылчы базымын эгелээн. Улаштыр ол-ла школага 43 чыл эге класстар башкылаан.

«Башкы кижи – көдээ черниң көрүнчүү» дээри шын, ол Алдан-Маадыр суурнуң хүндүткелдиг чурттакчызы, күш-ажылдың хоочуну, РФ-тиң хүндүлүг башкызы, ТР-ниң алдарлыг башкызы. Ооң шаңнал-макталдары хөй, оларының аразында Россияның Херээженнер эвилелинден, «Ынакшыл болгаш шынчы чорук дээш» деп, Маадыр-иениң медалдары хөрээн каастап чоруур. Хоочун башкы 10 ажы-төлдүң иези.

Кожам башкы шупту талазы-биле дески салым-чаяанныг, бойдустан чаяаттынган уран талантылыг болду. Дыштаныкчылар аразынга «Кожамыкка кончуг-ла мен» деп мөөрей чарлаан, кожа чурттаан 83 харлыг угбам ол мөөрейге бирги черни алды.

Башкының аажы-чаңы чараш, ажык, хөөрээр, чугаа- домаа эптиг-чөптүг, чырык угаанныг, чымчак сеткилдиг. Амыдырал-чуртталганың ак-кара талазын сүмелеп чугаалаар. Башкы-биле чугаалажып ора, авам мени чагып-сургап орар кылдыр бодай бээр чордум. Чурттап эрткен чуртталгамда бо башкы дег эки кижиге душпаан-дыр мен. Башкым ады Чылбак Чанган-ооловна Монгуш.

Елизавета КҮЖҮГЕТ, дээди эртемниг акушерка.

Бай-Тайга, Кара-Хөл


"Шын" №64, 2023 чылдың август 30