Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Национал чечен чогаал шаңналы

27 сентября 2023
19

Тыва Республиканың Националдар херектериниң талазы-биле агентилел чогаал адырында “Национал чечен чогаал шаңналы” мөөрейже ажылдарны сентябрь 25-тен хүлээп эгелээрин чарлаан. Шаңналды ноябрь 1-де Тыва дыл хүнүнге тураскааткан байырлыг хемчегде тыпсыры чаңчыл болган.


Мөөрейже тыва дыл кырында бижээн чогаалдарны, өске чоннарның дылында бижээн чогаалдарның очулгаларын (тыва дылдан орус дылче, орус дылдан тыва дылче): романнарны, тоожулар база чечен чугаалар чыындыларын, ол ышкаш барымдаалыг проза база амгы үеде бар авторларның сактыышкын чогаалдарын киирип болур.

Киржикчи ийиден хөй эвес чогаалды киирер эргелиг.
Ооң мурнунда киржип турган чогаалды мөөрейге катап киириштирбес.
Дилогиялар, трилогияларны чаңгыс чогаал кылдыр көөр.
Бир эвес авторлар бөлүү-биле бижиттинген чогаал мөөрейниң шаңналын алыр болза, ону үлештирер.

Тоожулар база чечен чугаалар чыындызының эң эвээш хемчээли үш ама саазын (ол дээрге хос чери-биле кады парлаан 40 муң үжүк) болур. Чогаалдың эң улуг хемчээлинде кызыгаар чок.

Тыва Республиканың Националдар херектериниң талазы-биле агентилел ажылдарны дараазында адресте хүлээп турар: Кызыл хоорай, Калинин кудумчузу, 1Б, кабинет 300. Тайылбыр алыр телефону: 8(39422)6-00-62.

«Шын» №73 2023 чылдың сентябрь 27