Кызыл хоорайның чурттакчы чонунуң хөй санныг дилээ-биле база Тываның Баштыңы Владислав Ховалыгның ТР-ниң Дээди Хуралынга (парламентиге) Кыйгырыынга үндезилээш, Орук-транспорт яамызы Кызыл хоорайның болгаш Каа-Хем суурнуң чурттакчыларынга 105Т дугаарлыг маршут ажылдап эгелээрин дыңнаткан.
Ук маршрут Ыраккы Каа-Хемниң «Звездочка» уруглар садындан «Аэропортуң хөй ниити чуртталга бажыңы» доктаамынга чедир халдыр.
Чаа автобус маршруду 2022 чылдың октябрь 10-да эртенгиниң 06.30 шактан кежээкиниң 22.30 шакка чедир аразы үжен минут кылдыр ажылын эгелээр. Чон хөй аргыжып турар үеде маршруттуң аразы 20 минута апаар.
«ПАЗ ВЕКТОР NEXT» деп 20 олуттуг-даа болза, 71 кижи кире бээр 3 улуг автобус хүннүң-не ажылдаар.
Орук өртээ өске маршруттарныы дег, 23 рубль болур.
Найысылалда чаа маршрут
7 октября 2022
34