Чонну ажылга хаара тудар төпче 14-тен 18 хар чедир назы четпээн хамаатылар өөредилгеден хостуг үезинде түр када ажылга тургустунуп алыры-биле чедип болур.
Назы четпээн хамаатыларның хостуг үезинде түр када ажылга хаара тудары, оларга келир үеде ажыл-агыйга чаңчыгып алырынга, профессионал билиглер чедип алырынга дузалыг болуп турар. Ол ышкаш корум-чурум үрээринге удур баш бурунгаар профилактика ажылын чорударынче көрдүнген.
Түр када ажылга тургустунуп алыр дээн назы четпээннерни ажылга хүлээрде, дараазында негелделерни сагыыр:
- бир эвес 14 хар четкен, өөренип турар болза;
- ада-иезиниң, азырап-тежээп турар улузунуң кайы- бирээзиниң болгаш опека органындан чөпшээрел бар болза;
- күш-ажыл керээзин чарарынга чылдагаан болур ажыл чиик, назы четпээнниң кадыынга хора чедирбес болурундан аңгыда, ооң өөредилгезинге шаптык катпас болур ужурлуг.
Шак ынчалдыр ажылга тургустунуп алыксаан назы четпээн хамаатылар “Работа в России” сайтыже киргеш, “Госуслуги” портал таварыштыр билдириишкинни долдургаш, бодунуң дугайында кыска медээни киирер. Улаштыр хууда кабинедиңерге келген ажылчы олуттар дугайында чагааларга харыылааш, шилип алган ажылыңарның удуртукчузу-биле чугаалажыышкынны кылып болур. Кажан ажылга тургустунуп алгаш, ол дугайында медеглээрин утпаза чогуур.
/ ТР-ниң Күш-ажыл болгаш социал политика яамызының медээзи.
Назы четпээннерни ажылга хүлээп болур бе?
18 марта 2023
31