Каа-Хем кожууннуң С.О. Тамба аттыг төп ном саңынга бичии уругларга Наадым байырлалынга тураскааткан культура-өөредиглиг программа болуп эрткен.
Ном саңының ажылдакчылары уругларга гаджеттерниң амыдыралга салдарын, оларның эки болгаш багай талаларын, ол ышкаш оларны канчаар шын ажыглаарының дугайында чугаалашкан.
Малчыннарның Наадым байырлалынга болгаш ооң төөгүзүнге тураскааткан номнар делгелгезин уруглар улуг сонуургал-биле көргеннер. Тыва оюннарны база өөрүшкү-биле ойнаан. «Чеди чүзүн малымайым» деп викторинаны ажылдакчылар организастаан. Дириг амытаннарны үннер, тывызыктар, чуруктар-биле танып, оларның аттарын орус дылдан тыва дылче очулдурарын сонуургааннар. Олар шыдыраалап, чуруп, номнар номчааш, үезин кончуг шын эрттирген.
/ А. ОНДАР.
Чурукту социал четкиде арнындан хоолгалаан.
“Шын” №27 2026 чылдың июль 16
"Шын" солуннуң МАХ-каналынга каттыжыңар: max.ru/channel_shyn