“Номчу, Тыва” деп ном фестивалының иштинде «Герой фэнтези» маскарад кедер солун мөөрейни Тываның А.С. Пушкин аттыг Национал библиотеказының ажылдакчылары организастап эрттирер дээн.
Чарлаттынган мөөрейниң утказы - номчаан номунуң кол маадырынга дүүштүр маскарад кедер.
Мөөрейниң киржикчилери:
• 5-тен 17 харга чедир;
• 18 харлыг болгаш оон улуг назылыглар киржип болур.
Мөөрейниң негелделери:
• Кедип алган маскарадыңар албан номчаан номуңар маадыры болур ужурлуг;
• Мөөрей киржикчизи чүгле чаңгыс маскарад костюмун көргүзер;
• Садыгдан саткан костюмнарны мөөрейге киириштирбес.
Мөөрейниң хуусаазы:
• Август 18-тен сентябрь 13-ке чедир – билдириишкиннерни киирер;
• Сентябрь 13, 14-те – билдириишкиннерни сайгарып көөр;
• Сентябрь 15-те –киржикчилерниң бүрүткели, костюмнарының таныштырылгазы, тиилекчилерни илередири.
Шаңналдары:
I-ги чергениң диплому + 20 муң рубльдиң сертификады;
II-ги чергениң диплому + 12 муң рубльдиң сертификады;
III-кү чергениң диплому + 8 муң рубльдиң сертификады.
