«Камгалал-2023» деп кызыгаар операциязын Россияныӊ Федералдыг айыыл чок чорук албаныныӊ Тыва Республикада Кызыгаар эргелели, Росгвардияныӊ болгаш РФ-тиӊ Тыва Республикада ИХЯ-ныӊ ажылдакчылары кады эрттирип турар.
2023 чылдыӊ май 23-те Тыва Республиканыӊ Эрзин кожуунунуӊ Нарын суурунуӊ Үстүү-Топчуу деп черде малчын аалга олар барып четкеш, хыналда эрттирген.
РФ-тиӊ 1967 чылда төрүттүнген хамаатызыныӊ хоойлуга чөрүштүр ок-боону шыгжап турганы илерээн. Ол аалдан боо хевирлиг чүүлдерни, боо сывын, 31 патронну, 4 окту, 5 холаны хавырган.
Хавырган чүүлдерни Россияныӊ Тыва Республикада ИХЯ-ныӊ Эксперт-криминалистика төвүнге шинчилээр кылдыр чорудупкан.
Шинчилелдиӊ түӊнелдери-биле алырга, ол чүүлдер болза, заводка бүдүрген боо кезектеринден чогаадып кылган кылымал боо-чепсек болган. Адып-боолаарынга ону ажыглап болур. Ол ышкаш 7,62х39мм калибрлиг аӊчы боонуӊ 7,62х39мм калибрлиг 30 патронун, 308 Win аӊчы боонуӊ 1 патронун, 1 холазын (7,62х51мм), 7,62х39мм калибрлиг аӊчы боо огунуӊ 2 холазын, 7,62х54Rмм калибрлиг 2 холаны, спортчу-аӊчы боонуӊ 5,6 мм калибрлиг 1 холазын, 9х19 мм калибрлиг пистолеттиӊ 4 патронун шинчилээн.
Херектиӊ материалдарын истеп, чогуур процессуалдыг хемчеглерни хүлээп алыр кылдыр Россияныӊ ИХЯ-ныӊ органнарынче чорудупкан.
Россияныӊ Федералдыг айыыл чок чорук албаныныӊ ТР-де Кызыгаар эргелели.