Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

«Олимп» 50 харлаан

1 декабря 2023
11

Ноябрь 25-те «Херел» спорт өргээзинге 21 харга чедир оолдар аразынга Республиканың бирги чери дээш хостуг хүреш маргылдаазы болуп эрткен. Россияның «Келир үениң школазы» деп мөөрейниң лауреады база Республиканың «Спортчу элита» мөөрейиниң каш дакпыр тиилекчизи «Олимпий» олимпийжи курлавырлар спорт школазының 50 чылдаан юбилейинге тураскааткан маргылдаа бедик деңнелге эрткен.

Маргылдааның ажыдыышкынында школаның директору Владимир Тюлюш база Спортчу хүрештер чөвүлелиниң президентизи Буян Бурбучук школаның хөй чылдарда удуртукчузу Владимир Шутовка база өске-даа спорттуң хоочуннарынга шаңнал-макталдарны тывыскан.
Олимпийжи курлавырлар спорт школазы 1973 чылда тургустунган. Баштайгы директорларынга Е. Ефремов, В. Петров, В. Иванов, А. Аракчаа, Б. Кувезин, В. Шутов база амгы үеде В. Түлүш ажылдап турар. Амгы үеде школада спорттуң хостуг хүрешке, дзюдо, бокс, кикбокс, ча адарынга 5 хевирниң салбырлары бар.

Байырлалынга уткуштур салбыр бүрүзү хар-назы аайы-биле Сибирь федералдыг девискээрниң бирги чери дээш маргылдааларга эки түңнелдиг болур дээш шилилгелиг маргылдааларны чорудуп турарлар. Школаның спортчулары 2023 чылдың түңнелдери-биле, эки көргүзүглерлиг болган. Маңаа хостуг хүрешке 23 харлыг мөгелер аразынга Делегейниң бирги чери дээш маргылдааның тиилекчизи Начын Монгуш хамааржыр.

Маргылдааның түңнелинде шаңналдыг черлерже дараазында мөгелер киргеш, 2024 чылдың феврал айда Сибирь девискээриниң бирги чери дээш маргылдаага киржир эргени чаалап алганнар: 57 килге 1-ги черни — Ачыты Ондар, 2-ги черде — Айслан Монгуш, 3-кү черлерде — Каң-Демир Монгуш; 61 килге 1-ги черни — Кежик Ондар, 2-ги черде — Карим Казырык, 3-кү черлерде Даржаа Дидим-оол база Сумба Сай-Даш; 65 килге 1-ги черни — Давид Сагды, 2-ги черде — Арсен Доржу, 3-кү черлерде Сухбат Ооржак база Каң-Демир Оюн; 70 килге 1-ги черни — Кежик Ооржак, 2-ги черде — Буян-Белек Куулар, 3-кү черде — Салгын-оол Сандый; 74 килге 1-ги черни — Сайын-Белек Ооржак, 2-ги черде — Аюш Сат, 3-кү черлерде Иннокентий Кара-Сал база Артыш Сат; 79 килге 1-ги черни — Буян Монгуш, 2-ги черде Күдерек Тюлюш, 3-кү черлерде Белек Монгуш база Тейнин Дажы; 86 килге 1-ги черни — Чимит Күжүгет, 2-ги черде — Алаш Монгуш, 3-кү черлерде Гендун Монгуш база Күдерек Салчак; 92 килге 1-ги черни — Батыр Тамдын-оол; 97 килге 1-ги черни – Димед Бойду, 2-ги черде – Отчугаш Демир-Хая, 3-кү черде – Аңгыр Тюлюш; 125 килге 1-ги черни – Сүлде Донгак, 2-ги черде – Эртине Түлүш, 3-кү черлерде Айрат Ооржак база Аганак Иргит.

“Олимп” олимпийжи курлавырлар спорт школазының спортчуларынга база шаңналдыг черже кирген мөгелерге харыысалгалыг кол маргылдааларга бедик спортчу чедиишкиннерни күзеп, чедиишкинниң йөрээлдерин салып, курайладывыс.

Алексей Чамбал-оол.
Авторнуң тырттырган чуруктары.