Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Он муң ажыг школачы киржир

13 ноября 2023
19

Ноябрь 8-тен тура школачыларның Бүгү-российжи олимпиадазының муниципалдыг чадазы эгелээн. ТР-ниң Өөредилге яамызының дыңнадып турары-биле алырга, бо чылдың декабрьның 3-ке чедир 22 ниити билиг эртемнеринге олимпиада болур. Ол дээрге химия, төөгү, орус дыл, биология, делегейниң уран чүүл культуразы (МХК), литература, технология, экология, информатика, хоойлу-дүрүм, физика, география, экономика, ОБЖ, математика, ниити билиг, күш-культура, астрономия база англи, француз, немец болгаш кыдат дылдар. Ол ышкаш декабрь 2 биле 3-те тыва школачылар тыва дылга болгаш төрээн чогаалга боттарының билиин хынаарлар.

Баш бурунгаар санаашкыннар-биле алырга, Тывага эртер олимпиадага 7–11 класстарның 10 муң ажыг өөреникчилери киржир.

Ноябрь 8-те Кызылдың 16 дугаар лицейинге хоорай школаларындан 80 ажыг өөреникчи химия эртеминге күжүн шенешкен. Дараазында төөгү эртеминге билиин хынаарлар.

Олимпиаданың муниципалдыг чадазынга школазынга тергиидээн өөреникчилер киржир. Бо уруглар 2024 чылдың январьда болур олимпиаданың регионалдыг чадазынга киржир дээш, күжүн шенежип турары ол. А республика чергелиг чадазынга эки баллдар алган киржикчилер олимпиаданың түңнел чадазынга киржир эргени чаалап алыр.

Школачыларның Бүгү-российжи олимпиадазының түңнел чадазынга тиилекчиниң дипломун алыры — тулган шаңнал. Ол школачыга дараазында делегей чергелиг олимпиадаларга киржир эргени, а кол-ла чүүл – Россияның дээди өөредилге черлеринче шылгалдалар чокка кирер магадылалды бээр.

Эрткен чылын Бүгү-российжи олимпиаданың муниципалдыг чадазынга 9 муң ажыг Тываның школачылары киришкен. Оларның 3 муң ажыы тиилекчилер болгаш призёрлар болган. Эң-не нептереңгей эртем- нер — ниити билиг, күш-культура болгаш ОБЖ болган.

Школачыларның Бүгү-российжи олимпиадазын чыл санында эрттирип турар ужуру — эртем-билигни суртаалдаары, өөреникчилерниң чогаадыкчы салым-чаяанын сайзырадыры, эртем ажылынче сонуургалын оттурары, ол ышкаш өөрениринге чаяанныг уругларны илередири.

“Шын” № 86 2023 чылдың ноябрь 11