Бо чылдың апрель 20-де Тыва Республикада өртке удур онза чурумну киирген. Чурттакчылыг черлерниң база өнчүнүң аңгы-аңгы объектилериниң өртке удур камгалалын быжыглап, өрт айыылының деңнелин бадырып, бойдус болгаш техногенниг улуг өрттерниң өөскүп үнерин болдурбас чурумну июнь 21-ге чедир узаткан.
Өрт айыылының сезону эгелээнинден эрткен чылга деңнээрге республика девискээринге 35 эвээш, азы 11 арга-арыг өрттери бүрүткеттингенин, регионалдыг диспетчер албаны дыңнаткан. 357 га арга-арыг черлерин өрт алган. Бо хүнде хып турар өрттер чок.
Өртке удур онза чурум негелделерин хажытканы – арга-арыг кирип, ажык отту ажыглааны дээш 22 кижини администратвтиг харыысалгага онааганын, Россияның ОБЯ Тыва Республикада эргелели дыңнаткан.
Кызыл хоорайда эң хөй чурум үрээшкиннери илереттинген. Майның 31-де найысылалдың чурттакчызын богун болгаш кургаг сигенин үезинде арыглавааны дээш торгаан. Кургаг сиген кыва бергеш, бажың чанының девискээринде 10 дөрбелчин метр шөлдү шыва алган. Хоорайның өрт-камгалал кезээниң күжү-биле өрттү дарый өжүрген.
Кичээнгей чок бажың ээзинге административтиг чурум үрээшкининиң дугайында протоколду долдуруп, РФ-тиң административтиг чурум-үрээшкиннериниң дугайында хоойлунуң 20.4 чүүлүнүң 2 кезээнде көрдүнгени-биле 10 муң рубль торгаалдыг кеземчени онаар дугайында доктаалды үндүрген.
Республиканың ХК база ОБ албаны чаңгыс аай 112 дугаарже азы бодунуң кожуунунда ЕДДС-че долгааш, онза байдалдар, ышталып азы өрттенип турарының дугайында дыңнадып болурун сагындырып тур.
Тываның Чазааның парлалга албаны.
#Тываныңчазаа #Онзачурум #Шынсолун #Өртайыылы #Онзабайдалдаряамызы
Онза чурумну июнь 21-ге чедир узаткан
3 июня 2023
21