Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Оперативтиг болгаш социал албаннарның ажылын хынаар

22 июня 2023
9

Тываның Баштыңы Владислав Ховалыг регионнуң корум-чурум камгалаар болгаш социал албаннар удуртукчуларының киржилгези-биле найысылалдың төвүнге болган кем-херекке хамаарыштыр ажылчын хуралды эрттирген. Хуралдың киржикчилери болуушкунну анализтеп, адырларның баштайгы хыналдаларының түңнелдерин база ындыг болуушкуннарны моон соңгаар болдурбас хемчеглерни сайгарып чугаалашкан. Күүсекчи болгаш корум-чурум камгалаар органнар хөй-ниитиниң айыыл чок чоруунуң хемчеглеринче кичээнгейни күштелдирери онза чугула дээрзин айыткан.


Регионнуң Чазаа Сүт-Хөл кожууннуң чурттакчызы болур мөчээн уругну ажаарынга дузаны көргүзерин Владислав Ховалыг дыңнаткан турган. Чазак Даргазының оралакчызы Орлан Сарыглар уругнуң өг-бүлези-биле доктаамал харылзаада.

Буруудаттырган кижи параноидтиг шизофрения аарыы-биле психиатрның учедунда турарын истелге тодараткан. Ындыг-даа болза РФ-тиң Истелге комитединиң Тыва Республикада Истелге эргелели чогуур истелге ажылдарын чорудуп, эң кыска хуусаа иштинде суд органнарынче херекти киирер деп турарын дыңнаткан.

Республика прокуратуразы кемниг үүлгедигже дарый хөделир шупту оперативтиг албаннарның база кадык камгалал черлериниң ажылынга хыналданы эгелээн. Ол хүн Чазак бажыңында постуга ажылдап турган дежурный нарядтың хөделиишкиннеринге үнелелди бээр. Кем-херек болган черде мөчээн уругну тырттырган видео болгаш фото материалдарның тарай бергенинге хамаарыштыр албан хыналдазын организастаар. Буруудаттырган кижини дыка дүрген тутканын прокуратураның төлээзи илеткелинде демдеглээн.

Ведомство эрткен чылдың ол үезинге деңнээрге, бо чылдың беш айында “кудумчу” кем-херектерин 31 хуу кызырып алганын ТР-де иштики херектер сайыды Сергей Кондрашов дыңнаткан. Ындыг-даа болза бо болган кем-херек үүлгедии чурум тудукчуларының бүгү-ле карак кызыл ажылын карартыр шыйыпкан. Тываның кол полицейжизи ведомствода кадрлар чедишпес-даа болза, кезектерниң хууда составының санын эде көрүп, хөй-ниити черлеринге патрульдаашкынны күштелдирерин дыңнаткан.

Владислав Ховалыг хоорайның аңгы-аңгы микрорайоннарынга полицияның доктаамал пунктуларын катап ажылдарының азы чадаг нарядты көвүдедириниң айтырыын Кызылдың мэриязы-биле кады ажылдап көөрүн С. Кондрашовтан дилээн. Ниитилелдиң ассоциалдыг хамаатылары чыылган чер – хоорайның төвүнче онза кичээнгейни угландырар херек деп, хоорайжылар шын демдеглеп турар. Арага садып турар черлерни хаарын негээн дыка хөй дыңнадыглар социал четки таварыштыр чондан келгенин республика Баштыңы дыңнаткан. Ведомстволар аразының рейдилери чажыт арага садып турар садыг объектилерин илередип, суррогат садып турар “адрестерни” туткаш, хаарын негээн.

Буруудаттырган кижиге онааштыр эмчи ачы-дуза чедирилгезиниң шынарынга үнелел бээр иштики хыналданы чорударын ведомство саналдаанын Кадык камгалал сайыды Анатолий Югай дыңнаткан. Ук хамааты 2009 чылдан бээр Барыын-Хемчиктиң муниципалдар аразының эмнелге төвүнде психиатр эмчиниң хайгааралында турар болгаш, чылдың-на шинчилгени эртип турар. Аарыг кижи чурттап турар черинден найысылалче бо-ла чоруй баар, чаңгыс черге турбас кижи болуп турар. Эмчиниң сүмезин тоовас, бижип берген эмнерин ижеринден ойталаан.

Үстүнде санаттынган албан хыналдаларының түңнелин республиканың Баштыңынче киирген соонда, ол-ла состав ону сайгарып көргеш, тодаргай хемчеглерни хүлээп алыр.