Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Парлалга конференциязы болган

20 сентября 2023
12

Россияның Армиязының культура хүннерин Тывада демдеглеп эрттирип турар. Тываның Алдан-Маадыр аттыг Национал музейинге парлалга конференциязы болуп эрткен. Аңаа Россияның культура департаментизиниң болгаш Россияның Камгалал яамызының төлээлери кээп киришкен.


«Армияның культура хүнү» төлевилелдиң удуртукчузу Ольга Фаллер Тываның өөредилге, уран чүүл болгаш чаагай чаңчылдарга хамаарыштыр күш-шыдалы бедик деңнелде деп демдеглээн. Россияның аңгы-аңгы аймак-сөөк чоннары-биле аразында дуржулга солчурунга бай-байлак дээрзин эскерген.

«Планда көрдүнген мастер-класстарывыстың болгаш өске-даа хемчеглеривистиң, ужуражылгаларывыстың чаа-ла үштүң бирин эрттирдивис. Ол хирезинде кыска үениң дургузунда республиканың өөредилге-даа, культура-даа албан черлериниң ажылдакчыларының патриотчу кижизидилгеге сонуургалдыын, идепкейлиин магадап тур мен. Ук төлевилелди чүгле эгелей бергеш, Тывага 2014 чылда кээп чораан мен. Бо чылын 9 дугаар кээп турарым бо. Бир катап Россияның Маадыры Сергей Шойгунуң «Тува – фронту» деп номунуң таныштырылгазынга кээп чораан мен – деп, Ольга Фаллер үлешти.
Армияның культура хүнүнде Кызыл хоорайга болур хемчеглер дугайында Москвадан келген аалчылар чугаалап тура, журналистерниң кичээнгейин Академиктиг ыры болгаш танцы-сам театрының Кызылдың президентиниң кадет училищениң өөреникчилеринге эрттирер мастер-класстарынче кичээнгейни салырын журналистерге сагындырган. Оон ыңай патриотчу кинолар фестивалынче болгаш Россияның Камгалал яамызының аңгы-аңгы чогаадыкчы коллективтериниң гала-концертин база сагындырган.

Чүгле боттарының билии, чогаадыкчы ажылдары-биле үлежир дээш эвес, а тус черниң культуразы-биле сорук кирип, ТР-ниң Культура яамызы-биле кады янзы-бүрү төлевилелдерни боттандырар дээш келген дээрзин Москвадан келген аалчылар демдеглээн.
Россияның чүрээ болур Москва хоорайдан келген делегация ТР-ниң Баштыңы Владислав Ховалыгга чылыг-чымчак хүлээп алыышкыны, кады ажылдажылгазы дээш өөрүп четтиргенин илереткен.

«Тывага болган культурлуг хемчеглерни Россияның өске-даа регионнарынче тарадыры, ук идеяны нептередири күзенчиг-дир. Тываның чонунуң онза бүдүштүүн, эрткен төөгүзүн, чаагай чаңчылдарын үнелээрин, кадагалаарын онзазынып демдегледим» – деп, РФ-тиң Камгалал яамызының культура департаментизиниң даргазы Артем Горный чугаалаан.
Армияның культура хүнү Тывага сентябрь 21-ге чедир уламчылаар.

А. ОНДАР.

Авторнуң тырттырган чуруу.


“Шын” №71 2023 чылдың сентябрь 20