Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Партияның 39-ку конференциязы

30 ноября 2023
21

Ноябрь 30-де К.Ондар аттыг Тыва үндезин культура төвүнге “Чаңгыс демниг Россия” партиязының Тывада регионалдыг салбырының XXXIX дугаар конференциязы болуп эрткен.

Бо удаада конференцияны Кара-Күске Чоодунуң сөзүнге композитор Кара-Кат Ооржактың бижээни “Чаңгыс демниг Россиям” деп ырның эң баштайгы күүселдези-биле эгелээн. Ону Тываның Улустуң хөөмейжизи Андрей Монгуш, Тываның алдарлыг артизи Галина Сюрюн, Тываның Улустуң артизи Борбак-оол Салчак болгаш Лилия Куулар орус-тыва дылдарга диңмиредир ырлап күүсеткен. Комсомол үезиниң конференцияларын-даа сагындырар болду. Ынчан ындыг турган. Шуулган эгелээр мурнунда, шупту делегаттар бир деңге “Дүвүренчиг чалыы назын” (сөзү: Л.Ошанинниң, аялгазы: А.Пахмутованың) деп ырны бир үн-биле бадырыптар турган.

Шак ындыг патриотчу хөөн-биле эгелээн конференцияны Тываның Баштыңы, Партияның Чиңгине чөвүлелиниң кежигүнү база Тывада регионалдыг салбырының Секретары Владислав Ховалыг чыылганнарга байыр чедииишкинниг сөзү-биле ажыткаш, партия кежигүннериниң саны чылдан-чылче өзүп турарын демдеглээн.

Бо хүнде регионалдыг салбырда 16 муң кежигүн, барык 2 муң чедир талалакчылар, 19 тус черниң болгаш 180 эге салбырлары барын ол дыңнаткан. Оон аңгыда, 2023 чылда 500 чаа кежигүннү Партия хүлээп алган. Оларның аразында идепкейжи аныяктар, хөй-ниитичилер болгаш көдээ суурларның чаа депутаттары киргенин, 1439 бүгү деңнелдиң депутаттарының аразындан 1402-зи, азы 96 хуузун “Чаңгыс демниг Россия” партиязының кежигүннери тургузуп турар дээрзин ол чугаалаан. Ол ышкаш Чазак Даргазы партияның деткимчези-биле Тывада чоннуң амыдырлын экижидеринче угланган 20 төлевилел боттанып турарын демеглээн.

“2023 чылда “Чурттаар оран-сава болгаш хоорай хүрээлеңи” деп национал төлевилел-биле чер-черлерде 27 хөй-ниити девискээрни чаагайжыткан. Россияның Президентизи Владимир Путинниң болгаш “Чаңгыс демниг Россия” партиязының деткимчези-биле Тывада социал айтырыглар шиитпирленип турар: бо хүнде туттунуп турар 11 школадан аңгыда, чуртталга бажыңнары шудургу туттунуп эгелээн, энергия хандырылгазының талазы-биле комплекстиг улуг хемчээлдиг төлевилелди база боттандырып турар.

Чылдың-на партия чаартынып, немежип турар. 2021 чылда Тываның барык бүгү булуңнарындан, харын-даа өг-бүле бүрүзүнден 105 муң чагыглар болгаш санал-оналдар партияның адынга кирген. Ол дээрге-ле, чаңгыс чер чурттугларывыс партияга бүзүреп, кылган ажылын көрүп, үнелеп турары-дыр. Ол ышкаш Тывада Партияның лидерлери болгаш тургузукчулары – Россияның Президентизи Владимир Путин биле Россияның Камгалал сайыды, бистиң алдарлыг чаңгыс чер чурттуувус Сергей Шойгуга кезээде деткимчени бедик деңнелде көргүзүп турар” — деп, Чазак Даргазы чугаалаан.

Конференция үезинде байырлыг байдалга партияже чаа кирген кежигүннерге партийжи билеттерни тывыскан. Оларга ТР-ниң Чазак Даргазының оралакчызы Орлан Сарыглар, “МногоМама” хөй-ниити организациязының удуртукчузу Эвелина Байсклан, ТР-ниң Нациялар херектериниң талазы-биле агентилелдиң директорунуң хүлээлгезин күүседип турар Анастасия Овчинникова болгаш ТР-ниң ДХ-ниң Аппарадының эргелелинде килдис даргазы Людмила Осломовская хамааржыр.

Чаа кежигүннерге партийжи бадылергейлерни тывыскан соонда, тус черниң эки ажылдыг мурнакчы эге салбырларынга 2023 чылдың түңнелдери-биле “Живу. Люблю. Горжусь”партийжи төлевилелди боттандырарынга идепкейлиг ажылы дээш шаңналдарны тывыскан. Аңаа бирги черге Бай-Тайганың партийжи эге салбыры, ийиги черге – Кызыл кожуун, үшкү черни Кызыл хоорайның эге салбыры ээлээн.
Ол-ла шаңналдар аразында ТР-ниң Чазак Даргазының Хүндүлел бижии-биле Каа-Хем кожууннуң Төлээлекчилер хуралының баштыңы-даргазы Олег Коржевский шаңнаткан.

Бистиң корр.

Ада Тюлюштуң тырттырган чуруктары.