Бир чыл бурунгаар Тываның Өөредилге яамызынга чаа сайыт ажылдап чедип келген. Ажылдаан үезинде Тываның өөредилге системазынга дыка хөй чаа чүүлдерни киирип четтигипкен.
Аңаа хамаарыштыр ТР-ниң Баштыңы Владислав Ховалыг социал четкиде бодунуң блогунда демдеглээн.
«Алексей Владимирович Храмцов-биле бир чыл дургузунда регионнуң өөредилге адырынга чаа система киирип ажылдаар кылдыр дугурушкан турган мен. Красноярск крайның өөредилге адырынга аңгы-аңгы ажылчын олуттарга ажылдаан арга-дуржулгазы-биле республиканың педагогтары-биле үлежир дугайында дугурушкан турган бис. Сайыттың олудунга ажылы 2022 чылдың сентябрьда доостур турган. Ынчалза-даа чамдык школаларның капиталдыг септелгези доозулбаанының хараазы-биле дугурушкан хуусаавыстан эртир ажылдапкан. Школаларның капиталдыг септелге ажылдары адакталган дугайында РФ-тиң Чырыдыышкын яамызында болгаш чурттуң Чазаанда илеткел-отчет чеде берген.
А.Храмцовтуң идепкейиниң ачызында регионга хөй чылдарда шимчевейн турган чидиг айтырыглар шиитпирлеттинип эгелээн.
Алексей Владимировичиге өөрүп четтиргенимни илередир-дир мен. Чаа ажылынга чедиишкиннерни күзедим. Ооң башкы болгаш организакчы арга-дуржулгазы каяа-даа херек деп билир мен.
Удавас ооң орнунга ажылдаар чаа сайытты томуйлаптар мен. Ол кижи өөредилге адырында билдингир кижи чүве».
Өөрүп четтириишкин.
3 октября 2022
96