Президент Владимир Путинниӊ чарлааны Ѳг-бүле чылын январь 19-тан эгелеп, Чоннуӊ ажыл-агыйжы чедиишкиннериниӊ делгелгезинге болур «Россия» делгелгезиниӊ үезинде «Чоок улузу – эӊ-не эргим» деп Бүгү-российжи шуулганны организастаары кѳрдүнген.
Ук шуулганга Тывадан Кызыл хоорай чурттуг, хѳй ажы-тѳлдүг Дамдыннарныӊ ѳг-бүлези киржир. Ѳгнүӊ ээзи – Леонид Маадырович «Роскадастр» компанияныӊ салбырыныӊ директору, ооӊ ѳѳнүӊ ишти Долаана Алексеевна эмчи. Олар ооӊ мурнунда Тываны тѳлээлеп, Баштайгыларның шимчээшкиннериниӊ «Чоок улузу – эӊ-не эргим» деп бүгү российжи шуулганга киржип турган. Ук шуулган ноябрь 25–26 хүннеринде Москва хоорайга «Ломоносов» инновациялыг кластерлер баазазынга эрткен болгаш чурттуӊ аӊгы-аӊгы регионнарындан 3 000 ажыг уругларны болгаш ада-иелерни хаара туткан.
«Чоок улузу – эӊ-не эргим» деп шуулганныӊ киржикчилери кылдыр Россияныӊ хѳгжүлдезинге үлүг-хуузун киирип чоруур муң ажыг ѳг-бүле киржир. Шуулганныӊ хемчеглеринге ѳг-бүле салгалдарыныӊ мѳѳрейлери болур болгаш аӊаа ѳг-бүле кежигүннери шупту киржир.
Оон аӊгыда, шуулган үезинде чогаадыкчы ужуражылгалар, мастер-класстар, шаӊналдар болгаш ѳске-даа солун хемчеглер кѳрдүнген. Шуулганныӊ хемчеглер үезинде ада-иелерге «Маадыр ие» аттарны, «Ада-иениӊ алдары» орден, медальдарны тыпсыры, «Бистиӊ ѳг-бүлевис», «Чылдыӊ ѳг-бүлези» Бүгү-российжи мѳѳрейлер база ѳг-бүле хүнүнге, ынакшыл болгаш шынчы чорукка тураскааткан байырлыг хемчеглер болуру кѳрдүнүп турар.
Россияныӊ Президентизи Владимир Путин бодунуӊ Чарлыы-биле 2024 чылды Россияга Ѳг-бүле чылы кылдыр чарлап, ону боттандырар организастыг комитеттиӊ даргазынга Россияныӊ эреӊгей сайыттыӊ оралакчызы Татьяна Голикованы томуйлаанын сагындырып каалы.
Бистиң корр.
Чурукту интернеттен алган.
“Шын” №3 2024 чылдың январь 17
