Россия Федерациязының Сибирь федералдыг округунда субъектилериниң тус чер чагырга органнарының, муниципалдыг организацияларның болгаш муниципалдыг тургузуглар чөвүлелдериниң муниципалдыг тургузуглар баштыңнарынга болгаш депутаттарынга, специалистеринге болгаш хоочуннарынга
Хүндүлүг коллегалар!
Тус чер бот-башкарылга хүнү-биле байыр чедирип тур мен! Россия Федерациязының Президентизиниң Чарлыы езугаар демдеглеп турарывыс бо хүн бистиң чуртувустуң болгаш ооң бүгү хамаатыларының амыдыралында чугула сорулганы күүседип чоруур бо институттуң эрткен, амгы болгаш келир үезин каттыштырып турар.
Тус чер бот-башкарылга органнарның хүн бүрүде кылып турар хөй талалыг айтырыглары дыка улуг ужур-уткалыг. Хоорайлар болгаш суурларда амыдыралдың шынары, ниитилел-политиктиг турум чорукту кадагалаары, Россияның национал хөгжүлде сорулгаларын чедип алыры, ооң камгалал арга-шинээн быжыглаары силерниң ажылыңарның үре-түңнелдеринден дыка хамааржыр. Тус чер эрге-чагыргазы чурттакчылар-биле дорт ажылдап, чугула хөй-ниити эгелээшкиннерин деткип тургаш, күрүнениң демократтыг үндезиннерин быжыглаарынга болгаш хамааты ниитилелди хөгжүдеринге үлүг-хуузун киирери база кол черде.
Тус чер бот-башкарылга хүнүнге тураскааткан хемчеглер аразында күрүне баштыңының даалгазы-биле эрттирип турары «Биче төрээн чери – Россияның күжү» деп бүгү-российжи муниципалдыг шуулган база «Бараан болуру» деп бүгү-российжи муниципалдыг шаңнал тыпсыр езулал муниципалдыг тургузугларны хөгжүдериниң болгаш деткиириниң чидиг айтырыгларынче немелде кичээнгейни угландырып, чер-черлерде муниципалдыг улуг ниитилелдерни демнештирип, арга-дуржулгазын солчуп, бар айтырыгларны шиитпирлериниң аргаларын кады дилеп, мурнакчы арга-дуржулгаларны тарадыры онзагай черде.
Силерниң чедиишкиннериңерниң үндезини – профессионал чорууңар, харыысалгалыыңар, төрээн чериңерге ынакшылыңар, ажыл-херээңерге бердинген хамаарылгаңарда, ол дээш шаңналыңар – чаңгыс чер чурттугларыңарның хүндүткели, бүзүрели болур. Силерге быжыг кадыкшылды, чогаадыкчы чүткүл-сорукту, хамаатыларның сонуургалында хоойлу езугаар бүрүн эргелериңерни чедимчелиг күүседирин, албан-хүлээлгеңерге ам-даа чедиишкиннерни күзедим!
Хүндүткел-биле, Россия Федерациязының Президентизиниң Сибирь федералдыг округта бүрүн эргелиг төлээзи Анатолий Серышев
Тайылбыр:
2026 чылдың апрель 2-22 хүннеринде «Биче төрээн чери – Россияның күжү» деп III бүгү-российжи муниципалдыг шуулган эртер. Россия Федерациязының Президентизи Владимир Путинниң даалгазы-биле чылдың эртер шуулганны Россия Федерациязының Президент Администрациязының деткимчези-биле Тус чер бот-башкарылга хөгжүлдезиниң бүгү-российжи ассоциациязы организастап эрттирер. Апрель 21-де «Бараан болуру» премияның тиилекчилерин шаңнаар езулал болур.