Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
26 сентября, пн

Россияга болгаш Донбасска самбо секцияларын ажыдар.

12 сентября 2022
3

"Чаңгыс демниг Россия" "Самбо дээш" деп партийжи төлевилел ёзугаар Россияга болгаш Донбасска самбо секцияларын ажыдар.

Самбону сайзырадыры-биле чыл санында 500-тен эвээш эвес спортчу залдарны ажыдар.

"Чаңгыс демниг Россияның" "Самбо дээш" деп төлевилели Россияга, Донбасска болгаш оон-даа өске хостаттынган девискээрлерге школа залдарындан эгелээш спортчу өргээлерге чедир 5 муңдан хөй залдарга боттаныр дээрзин Андрей Турчак демдеглээн. Партияның генералдыг чөвүлелиниң секретары "Самбо дээш" деп төлевилелдиң хөй-ниити чөвүлелин удуртуп турар.

Ук төлевилелде бүгү регионнар киржип турар, ылаңгыя Краснодар крайда, Воронеж облазында ол аажок сайзырап турар. Бүгү Россияның самбо ассоциациязының президентизи Сергей Елисеев-биле бо төлевилелди федералдыг деңнелче көдүрер дугайында дугурушканын Андрей Турчак демдеглээн.

"Чаңгыс демниг Россия" партиязының төлевилелинге идепкейлиг киржир талазы-биле планын Донецк Республиканың Баштыңы Денис Пушилин бадыткаан. Мооң мурнунда Донецк Республика бүгү Россия чергелиг самбо федерациязы-биле дугуржулгага ат салган турган.

"Россияның бүгү регионнарында боттанып турар төлевилелдерге Донецк Республиканың киржири чугула. Биске ооң үнези улуг. Чугаа кырында эвес, а херек кырында амыдыралда хөй-хөй угланыышкынныг ажыл-херектерни боттандырып турар "Чаңгыс демниг Россия" партиязынга четтиргеним илередип тур мен" - деп, Денис Пушилин чугаалаан.

"Самбо дээш" деп төлевилелдиң ачызы-биле самбону нептередири болгаш школачыларның өөредилгезинче киирери-биле 7 хардан өрү уругларга тускай программаны ажылдап кылыр ужурлуг. Оон аңгыда "Чаңгыс демниг Россия" ноябрь 16-ны бүгү Россияның самбо хүнү кылдыр чарлаарын болгаш спорттуң ол хевирин Олимпий оюннарынче киирерин саналдап турар.

"Чырыдыышкын яамызы-биле самбо талазы-биле өөредилге программазын чүгле кичээлден дашкаар эвес, а күш-культура кичээлинге 3 дугаар шак кылдыр салып бээр арганы боттандырарынче онза кичээнгейни салыр болза эки. Ол ышкаш Эртем яамызынга самбонуң модулюн күш-культура болгаш спорт адырынга специалистер белеткээр болгаш эде белеткээр программаларже киирерин сүмелеп тур бис" - деп, парттөлевилелдиң координатору, бүгү Россияның самбо федерациязының президентизи Сергей Елисеев чугаалаан.
Ол саналдарны РФ-тиң Чырыдыышкын болгаш Спорт талазы-биле яамылары деткээн. Чырыдыышкын яамызы 1 - 11 класстарга программа-методиктиг комплексти ажылдап кылган. Ол ажылда күш-культура кичээлдериниң болгаш аңаа немелде самбо өөредир шактарның программазы кирип турар. Спорт яамызы самбо өөредир тренер башкыларның санын көвүдедири, оларны белеткээри, эде белеткээри дээн ышкаш айтырыгларны шиитпирлээри негеттинип келгенинге чөпшээрешкен.

Чугаазын доозуп тура, Сергей Елисеев чоокку үеде "Самбо дээш" деп төлевилелди регионнарга төлээлээр координаторларже кордакчылар-биле ужуражылгалар болурун чугаалаан.

"Самбонуң сайзыралынга сонуургалдыг, ёзулуг төлептиг кижилерни шилип алыр бис. Регионнарга ажылдаар координаторларны бадыткаан соовуста, төлевилеливис аайы-биле кылдынган комплекстиг программа ёзугаар ажылдаар бис.

"Чаңгыс демниг Россия" " Самбо дээш" деп төлевилел-биле бо чылдың июль айда ажылдап эгелээн. Апрельде "Чаңгыс демниг Россия" биле бүгү Россияның самбо федерациязы кады ажылдаар дугайында дугуржулгага ат салганнар.

Партияның деткимчези-биле Россияның 70 регионунга "Самбо - в школу" деп төлевилел ажылдап эгелээр.