Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Россияның чедиишкиннери

22 ноября 2023
23

«Билиг» ниитилели Делегей чергелиг «Россия» делгелгезиниӊ өөредилге программазыныӊ талазы-биле чиӊгине партнёру болуп турар.

Делгелге-шуулган үезинде культура, ёзу-чаӊчыл, экономика болгаш 89 субъектиниӊ эртем талазы-биле күчү-шыдалыныӊ дугайында 1500 ажыг лекцияларны эрттирерин планнап каан.

Чижээ, «Россия» делгелгезинге кайы-бир регионнуӊ хүнүн демдеглеп турда, «Билиг» ниитилели «Россияныӊ чедиишкиннери» деп акцияныӊ шугуму-биле бир неделя дургузунда лекциялар марафонун эгелээр.
ВДНХ-да делгелгеде Тыва Республиканыӊ хүнү-биле чергелештир чырыдыышкын акциязын «Тыва – дириг ёзу-чаӊчылдарныӊ ораны» лекция-биле эгелээн.

Тываныӊ күрүне университединиӊ өөредилгеден дашкаар ажылдар болгаш социал айтырыглар талазы-биле проректору Остап Чооду Москвада болуп турар «Россия» делгелге-шуулганныӊ болгаш ооӊ культура, өөредилге, ажыл-агыйжы талазы-биле боттандырып турары программаларыныӊ дугайында студентилерге тайылбырлаан.

Тыва — көшкүн амыдыралдыг бурунгу чоннарныӊ, оларныӊ аразында скифтерниӊ болгаш эрте-бурунгу түрктерниӊ культуразыныӊ укталган чери. Ынчангаш Делегей чергелиг делгелге-шуулганда регионнуӊ экспозициязыныӊ кол-кол объектилери дээрге өг болгаш Аржаан-2 базырыктан тывылган кадын биле хаанныӊ идик-хеви болган. Тыва чоннуӊ чурттаар оран-савазы – өг – бурунгу үеден бээр тургузуун ол-ла хевээр арттырып алган дээрзин Остап Чооду чугаалаан.
Лекция соонда студентилер республиканыӊ культуразыныӊ материалдыг болгаш материалдыг эвес өнчүзүнүӊ чижектерин сайгарып чугаалашкан.

Остап Чооду айтырыгларга харыылап тура, Россияныӊ амгы үеде эртем, технология, культура болгаш өске-даа адырлар талазы-биле кол-кол чедиишкиннеринче онза кичээнгейни угландырган.
«Россия» делгелге-шуулганны албан-биле барып көөр мен дээрзинге идегеп турар мен. Шупту павильоннарны караам-биле көрүксей бердим» — деп, ТывКУ-нуӊ инженер-техниктиг факультединиӊ студентизи Азольда Хомушку лекция соонда сеткилин үлешкен.

«Билиг» ниитилелдиӊ медээлеринден Р. ДЕМЧИК белеткээн.
Чуруктарны ниитилелдиң архивинден алган.


«Шын» №89 2023 чылдың ноябрь 22