Россияның Президентизи Владимир Путин Тываның Баштыңы Владислав Ховалыгга база Тыва Республиканың чурттакчы чонунга Тиилелге хүнү-биле байырны чедирген.
"Бис бо ыдыктыг байырлалды адаларывыстың, кырган-ачаларывыстың болгаш өгбелеривистиң улуг чедиишкини дээш, ада-иелеривистиң, каржы-дошкун болгаш кээргел чок дайзынга чагыртпайн, нацизмни чылча шаап, Ада-чуртту кадагалап, бүгү делегейни камгалап алганы дээш, ажы-төлүнүң чоргааралы-биле кезээде уткуп турар бис. Төрээн чуртунга бодун өргүп, ооң салым-чолунга хууда киржилгени силерге чедиишкиннерни болгаш бүгү-ле эки чүүлдерни күзедим» — деп, президентиниң телеграммазында бижээн.
База ол ышкаш Ада-чурттуң Улуг дайынынга Тиилелгениң 81 чыл ою-биле Тываның чурттакчыларынга Россияның Чазааның Даргазы Михаил Мишустин, Сибирь федералдыг округта Президентиниң бүрүн эргелиг төлээзи Анатолий Серышев, Күрүне Думазының депутаттары, Федерация Чөвүлелиниң кежигүннери, яамыларның удуртукчулары, Россияның хөй санныг губернаторлары регионнар, ооң иштинде Донецк болгаш Луганск Улусчу Республикалар, Кабардино-Балкария, Кузбасс, Марий Эл, Ленинград облазы дээш оон-даа өскелер байырын чедиргеннер.