Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Сүүзүннүг эът

11 апреля 2023
26

Хууда ажыл-херээн эгелеп, шуудап ажылдаарынга социал керээ шору дузалыг дээрзин сайгарлыкчыларның чамдыызының арга-дуржулгазы көргүскен. Социал керээниң ол дузазын Ак-Довурак хоорайда хуу сайгарлыкчы Лаида Чылбакай база ажыглаан. Күрүнениң деткимчези ажыктыг, ынчалза-даа кол чүве – кижиниң бодунуң эрес-кежээзи, ажыл-агыйын аайлап-баштап ап шыдаары. Лаида Леонидовна повар мергежилдиг, ол ажылынга арга-мергежилдиг, кандыг-даа аъш-чемни эки шынарлыг, амданныг кылдыр белеткеп шыдаар.

Хууда сайгарлыкчы кылдыр 2020 чылда бүрүткедип алгаш, баштайгы дээрезинде хаван, дагаа эъдин хайындырарынга, быжырарынга белен кылдыр болбаазыраткаш, хереглекчилерге оларның телефон дамчыштыр чагыглары ёзугаар бажыңнарынга азы дыштанып турар черлеринге чедирип берип турган. Бедик мергежилдиг поварның, бүзүрелдиг сайгарлыкчының кылган чеминиң шынары эки, амданы чаагай, чагыгларны күүседири шалыпкын боорга, ооң хууда бүдүрүлгезиниң продукциязын Ак-Довурак хоорайның болгаш ооң чоок-кавызында суурларның чурттакчылары күзелдии-биле садып алыр апарганнар.

Лаида Леонидовна биле өөнүң ээзи Сылдыс Моңгушевич бүдүрүлгезиниң ажыл-чорудулгазын алгыдар деп шиитпирлээннер. Ак-Довурак хоорайга квартираны садып алгаш, ону кафе кылдыр эде дерээннер. Сылдыс Моңгушевич юрист эртемниг, каңнакчы ажылчын мергежилдиг, ал боду ус-шевер кижи болгаш, кафениң стол, сандайы дээш өске-даа эт-септи боду кылган. Социал керээ ёзугаар күрүнеден дуза кылдыр алганы 250 муң рубль база ажыктыг болган. Ол акша-биле кафеге аъш-чем белеткээринге херек дериг-херекселди садып алганнар. Аныяк сайгарлыкчыларның кафезиниң ады “Сүүзүннүг эът”.

/ Лопсан МОҢГУШ.
Буян ООРЖАКТЫҢ тырттырган чуруктары.

"Шын" №25 2023 чылдың апрель 8

#Шынсолун #Тыва #Хуудасайгарлыкчы #Барыын_Хемчик #Ак_Довурак

false
false
false
false