Кичээнгейлиг болуңар!
Сөөлгү үеде РФ-тиң Айыыл чок чорук албанында айыткан мөлчүкчү чорукка хамаарышкан хомудалдар Россияның хамаатыларындан хөйү-биле кирип турар апарган.
Олар албан черлериниң дугаарлары-биле дөмей саннарны ажыглап тургаш, хамаатыларның агар санында акша-төгериин меге арга-биле шилчиттирип ап турар. Үптекчилер оон ыңай социал четкиде янзы-бүрү капсырылгалар таварыштыр албан-чериниң ID-лериниң чуруктарын чорудуп турар.
Силерни бир-ле кем-херекке буруудаан азы кем-херекке онаашкан деп турар айыыл чок чериниң ажылдакчылары долгай бээр болза, аңаа бүзүревезин кыйгырып тур бис. Ындыг дыңнадыгларны бижимел хевирге чорудар азы бир болза, ажылдакчы боду чеде бээр ужурлуг.
Айыыл чок чорук албан чериниң ажылдакчылары хамаатыларга боттарының албан-дужаалының шынзылгазының чуруун чорутпас база хамаатыларның акша-хөреңгизин кем-херек үүлгедиишкиннерин шиитпирлээрде оперативтиг бөлүктерге дузалажыр дээш ажыглавас дээрзин дыңнадып тур бис.
Чээли алыр, «айыыл чок, камгалалдыг агар санче» акша шилчидер азы курьер таварыштыр дамчыдар дугайында саналдарга бүзүревеңер.
РФ-тиң Федералдыг айыыл чок чорук албанының Тыва Республика талазы-биле эргелели хамаатыларны телефон дамчыштыр ажылдап турар мегечилерге бүзүревезин, оларның салдарынга алыспазын кыйгырып тур.
Бир эвес танывазыңар улус боттарын Федералдыг айыыл чок чорук албанының ажылдакчылары бис дээш, чүнү-даа дилээр болза, бүзүревеңер. Чугааны доозупкаш, РФ-тиң Федералдыг айыыл чок чорук албанының Тыва Республика талазы-биле эргелелиниң 24 шак дургузунда ажылдаар «изиг шугумунче» долгаар: +7 (394-22) 2-19-70
Россияның Федералдыг айыыл чок чорук албанының Тыва Республика талазы-биле парлалга албанының медээзи.
Чурукту ГигаЧат чураан.