Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Сайгарлыкчы аныяктар мөөрейи

13 июля 2023
19

«Аныяктарныӊ бизнес-төлевилели-2023» республика мөөрейин аныяктар аразынга сайгарлыкчы чорукту нептередир, республиканыӊ девискээринде ажыл чок аныяк-өскеннерниӊ санын эвээжедир сорулга-биле эрттирип турар.


Республика мөөрейинге киржир күзелдиг аныяктарның билдириишкиннерин июль 14-ке чедир хүлээр дээрзин Тываныӊ аныяктар херектериниӊ талазы-биле агентилели дыӊнаткан.

18–35 хар-назылыг сайгарлыкчыларны деткиир, грант тыпсыр мөөрейге киржирде, боттарыныӊ чогааткан бизнес төлевилелин «Россияныӊ аныяктары» (https://myrosmol.ru/event/133129) автоматчыткан система таварыштыр чорудар. Мөөрей «Стартап», «Чедиишкинниг старт», «Социал сайгарлыкчы чорук» деп номинацияларлыг.

«Аныяктарныӊ бизнес-төлевилели-2023» республика мөөрейи үш чадалыг эртер.

Бирги чадазы – июнь 14-ке чедир билдириишкиннер хүлээри;

Ийиги чадазы июнь 21-ге чедир – бизнес-төлевилелдерни эксперттер хынааш, үнелелин бээр; Эӊ-не эки төлевилелдерни шилээш, финалче киирер.

Үшкү чадазы – финалы. Мөөрейниӊ тиилекчилерин август айда регионнар аразында аныяк сайгарлыкчылар шуулганынга тодарадыр. Эксперттерниӊ шилээн бизнес-төлевилелдерин мөөрей комиссиязыныӊ баарынга камгалаар.

Республиканыӊ эрге-чагыргазы эрткен чылын алды бизнес-төлевилелди амыдыралга боттандырып сайзырадырынга грант деткимчени берген.

Аныяк сайгарлыкчы Сүбедей Жуковтуң «Сүбедейниӊ мастерскаязы – кештен кылган ажылдар», Сайзаана Байыр-оолдуӊ «Таалал» деп торт кылыр төлевилелин болгаш өске-даа бизнес төлевилелдерни деткээн.

Эрткен чылын бо күрүне программазыныӊ 1,4 млн рубльди сайгарлыкчы аныяктарны деткииринче угландырган.

Тываныӊ Чазааныӊ медээлеринден Р.ДЕМЧИК белеткээн.

Чурукту интернет четкизинден алган.


"Шын" №51, 2023 чылдың июль 12.