Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Сайзыра-ла, Таңды чуртум!

22 декабря 2022
17

2022 чылда Таңды кожуунга элээн хөй тудуглар кылдынган болгаш кылдынып эгелээни мээң сагыш-сеткилимни, болгаш таңдыжыларны өөртүп чоруур дизе, чазыг чок.


Кожуунда 40 ажыг чылдар иштинде эде кылдынмаан Бай-Хаак – Кызыл оруун доосканы чолаачыларга болгаш чоннуң аргыжарынга дыка эптиг апарган.

Таңды кожууннуң Хадың-Аксы суурда башкыларга ийи аал чурттаар бажыңнарны туткан. Ол кончуг шын! Башкылар чедишпейн турар болгай, ажылдап келген аныяк башкыларга ажылдаарынга таарымчалыг. Чамдык башкылар чурттаар оран-сава чок боорга, ажылын каапкаш чоргулай баары бар. Бо ажылды ам-даа уламчылаар боор.

Успенка суурда клубтуң, Кызыл-Арыг суурда «Эзирлер уязының» тудуглары дооступ турар, келир неделяда ажыглалга киирер.

Оон ыңай өөрүнчүг болуушкун Бай-Хаак, Балгазын суурларда школалар тудуглары эгелей берген. Каш чыл болгаш, ол чаа школалар тудуу дооступ, ажыглалга кирерге, школачыларга, башкыларга таарымчалыг байдалдар тургустунуп кээр.

Дүрген суурда эге класстар школазын немей тудуп, доозар четкен. Чайгы үеде машиналыг эртип чыткаш көөрүмге, ол тудугда школаның башкылары, ажылчыннары база суурнуң чону дузалажып турар болдулар. Эр хейлер!

Чоннуң шажын-чүдүлгезинге таарымчалыг байдалды тургузуп, Бай-Хаак суурда хүрээ, церковь тудуу база доостур четкен. Хүрээ тудуунга Успенка суурнуң чурттакчылары база идепкейлиг киржип турар. Эрткен чылын Кочетов суурда Будданың аллеязын база Успенка суурнуң чурттакчылары кылганнар. Черле эр хейлер!

Оон ыңай Бай-Хаак суурда ХБАБ (ЗАГС), Хөй ажыл чорудулгалыг төп ажыглалга келир чылын кирер. Бай-Хаак суурда Чурттакчы чонну ажылга хаара тудар төптүң септелгезин чараштыр кылгаш, дооскан.

Бо-ла бүгү тудуг ажылдары Таңды кожууннуң чагыргазының, суму чагырга даргаларының, Улуг Хуралда депутадывыстың, Тыва Республиканың Чазааның кады демниг ажылының түңнели деп бодаар мен.

Кожуун чагыргазының келир 2023 чылда планнары хөй: Бай-Хаак, Балгазын суурларга чаштарга уруглар садтары немей тудар, Арыг-Бажы суурнуң уруглар садының чанында ээн кагдынган бажыңны эде кылгаш, башкыларны аңаа чурттадыр, Успенка суурда эрги клубту чагырга бажыңы кылдыр эде кылыр, Бай-Хаак суурда Шоссейная кудумчузун база Бай-Хаак – Чагытай аразын асфальтылаар, Дүрген суурда өскүстер бажыңын ажыглалга киирер.

Төрээн кожуунум чаарттынып турарынга өөрээш, даргаларга четтиргенимни илередип, кел чыдар Чаа чылда ажыл-ижинге чедиишкиннерни күзеп, ам-даа буруңгаар-ла, даргаларым деп, мөгейип ор мен.

/ Сергей ОЮН.